സ്വ​ന്തം ലേ​ഖ​ക​ൻ

ന്യൂ​ഡ​ൽ​ഹി: പ​ഹ​ൽ​ഗാം ഭീ​ക​രാ​ക്ര​മ​ണ​ത്തി​നു മ​റു​പ​ടി​യാ​യി പാ​ക്കി​സ്ഥാ​നി​ലെ തീ​വ്ര​വാ​ദ കേ​ന്ദ്ര​ങ്ങ​ൾ​ക്കു​നേ​രേ ഇ​ന്ത്യ​ൻ സൈ​ന്യം ന​ട​ത്തി​യ ’ഓ​പ്പ​റേ​ഷ​ൻ സി​ന്ദൂ​ർ’ സ്കൂ​ൾ പാ​ഠ​പു​സ്ത​ക​ത്തി​ൽ ഉ​ൾ​പ്പെ​ടു​ത്താ​ൻ കേ​ന്ദ്ര സ​ർ​ക്കാ​ർ. എ​ൻ​സി​ആ​ർ​ടി​യു​ടെ നേ​തൃ​ത്വ​ത്തി​ൽ ഇ​തി​നാ​യി ര​ണ്ട് പ്ര​ത്യേ​ക മൊ​ഡ്യൂ​ളു​ക​ൾ വി​ക​സി​പ്പി​ച്ചു​കൊ​ണ്ടി​രി​ക്കു​ക​യാ​ണെ​ന്ന് വി​ദ്യാ​ഭ്യാ​സ മ​ന്ത്രാ​ല​യം അ​റി​യി​ച്ചു. മൂ​ന്ന് മു​ത​ൽ എ​ട്ടു വ​രെ​യു​ള്ള ക്ലാ​സു​ക​ളി​ലെ വി​ദ്യാ​ർ​ഥി​ക​ൾ​ക്കാ​യി ആ​ദ്യ മൊ​ഡ്യൂ​ളും ഒ​മ്പ​തു മു​ത​ൽ 12 വ​രെ ക്ലാ​സു​ക​ളി​ലെ വി​ദ്യാ​ർ​ഥി​ക​ൾ​ക്ക് ര​ണ്ടാ​മ​ത്തെ മൊ​ഡ്യൂ​ളും ല​ഭ്യ​മാ​ക്കും. ഇ​ന്ത്യ​യു​ടെ സൈ​നി​ക ശ​ക്തി​യെ​ക്കു​റി​ച്ച് വി​ദ്യാ​ർ​ഥി​ക​ളെ ബോ​ധ​വാ​ന്മാ​രാ​ക്കു​ക​യാ​ണു പ​ദ്ധ​തി​കൊ​ണ്ട് ഉ​ദ്ദേ​ശി​ക്കു​ന്ന​ത്.

എ​ട്ട് മു​ത​ൽ പ​ത്തു വ​രെ​യു​ള്ള പേ​ജു​ക​ളി​ലാ​യി​ട്ടാ​ണ് ഓ​പ്പ​റേ​ഷ​ൻ സി​ന്ദൂ​റി​ലെ ഇ​ന്ത്യ​യു​ടെ സൈ​നി​ക നേ​ട്ട​ത്തെ​പ്പ​റ്റി വി​വ​രി​ക്കു​ക. ഇ​തോ​ടൊ​പ്പം രാ​ജ്യ​ത്തി​ന്‍റെ മ​റ്റ് ചി​ല നേ​ട്ട​ങ്ങ​ൾ വി​വ​രി​ക്കു​ന്ന​തി​ന് അ​നു​ബ​ന്ധ പാ​ഠ​പു​സ്ത​ക​ങ്ങ​ൾ വി​ദ്യാ​ർ​ഥി​ക​ൾ​ക്കു ന​ൽ​കു​ന്ന​തി​നും എ​ൻസിആ​ർടി ​ത​യാ​റെ​ടു​ക്കു​ന്നു​ണ്ട്. വി​ക​സി​ത് ഭാ​ര​ത്, നാ​രി ശ​ക്തി വ​ന്ദ​ൻ, ജി20, ​ച​ന്ദ്ര​യാ​ൻ ഉ​ത്സ​വ് തു​ട​ങ്ങി​യ വി​ഷ​യ​ങ്ങ​ളാ​യി​രി​ക്കും പ്ര​ധാ​ന​മാ​യും അ​നു​ബ​ന്ധ പാ​ഠ​പു​സ്ത​ക​ത്തി​ൽ ഉ​ൾ​പ്പെ​ടു​ത്തു​ക..

Tags :