30 സെ​ന്‍റി​ല്‍

5000 കു​റ്റി​ക്കു​രു​മു​ള​ക്

കു​റ്റി​ക്കു​രു​മു​ള​ക് എ​ന്നു കേ​ട്ടാ​ല്‍ ചെ​ടി​ച്ച​ട്ടി​യി​ലോ ഡ്ര​മ്മി​ലോ ന​ട്ടു പി​ടി​പ്പി​ച്ച് ടെ​റ​സി​ലോ മു​റ്റ​ത്തോ അ​ല്ലെ​ങ്കി​ല്‍ പൂ​ന്തോ​ട്ട​ത്തി​ലോ വ​ള​ര്‍​ത്തു​ന്ന കു​രു​മു​ള​ക് ചെ​ടി എ​ന്നാ​ണു പൊ​തു​വേ​യു​ള്ള ധാ​ര​ണ. അ​ത്ത​ര​ത്തി​ല്‍ ഒ​ന്നോ ര​ണ്ടോ വ​ള​ര്‍​ത്തി​യാ​ല്‍ വീ​ട്ടാ​വ​ശ്യ​ത്തി​നു​ള്ള കു​രു​മു​ള​ക് കി​ട്ടു​ക​യും ചെ​യ്യും. എ​ന്നാ​ൽ, കോ​ട്ട​യം ജി​ല്ല​യി​ല്‍ മു​ണ്ട​ക്ക​യം കോ​രു​ത്തോ​ട് ക​ണ്ട​ങ്ക​യം വ​ര്‍​ക്കി​ച്ച​ന്‍ എ​ന്ന ജോ​ര്‍​ജ് മാ​ത്യു​വി​ന് അ​തു​ക്കും മേ​ലെ​യാ​ണ് കു​റ്റി​ക്കു​രു​മു​ള​ക്. കൊ​ളു​ബ്രി​നം എ​ന്ന ബ്ര​സീ​ലി​യി​ന്‍ കു​റ്റി​ച്ചെ​ടി​യി​ല്‍ വ്യ​ത്യ​സ്ഥ ഇ​നം കു​രു​മു​ള​ക് വ​ള്ളി​ക​ള്‍ ഗ്രാ​ഫ്റ്റ് ചെ​യ്ത് അ​തി​സാ​ന്ദ്ര​താ രീ​തി​യി​ല്‍ കൃ​ഷി ചെ​യ്യു​ന്ന വ​ര്‍​ക്കി​ച്ച​ന്‍, 30 സെ​ന്‍റി​ല്‍ ന​ട്ടു​പി​ടി​പ്പി​ച്ചി​രി​ക്കു​ന്ന​ത് 5000ത്തി​ലേ​റെ കു​റ്റി​ക്കു​രു​മു​ള​ക് ചെ​ടി​ക​ൾ. വി​പു​ല​മാ​യ രീ​തി​യി​ല്‍ വ​ള്ളി​ക്കു​രു​മു​ള​ക് തൈ​ക​ളും ഗ്രാ​ഫ്റ്റ് തൈ​ക​ളും ഉ​ത്പാ​ദി​പ്പി​ക്കു​ന്ന അ​ദ്ദേ​ഹം ആ​വ​ശ്യ​ക്കാ​ര്‍​ക്ക് വി​ത​ര​ണം ചെ​യ്യു​ന്നു​മു​ണ്ട്.

കൊ​ളു​ബ്രി​നം
ക​ണ്ട​ല്‍​ച്ചെ​ടി പോ​ലെ ച​തു​പ്പി​ലും വെ​ള്ള​ക്കെ​ട്ടി​ലും വ​ള​രു​ന്ന കു​റ്റി​ച്ചെ​ടി​യാ​ണ് കൊ​ളു​ബ്രി​നം. ഒ​റ്റ​നോ​ട്ട​ത്തി​ല്‍ ഔ​ഷ​ധ സ​സ്യ​മാ​യ നാ​ട​ന്‍ തി​പ്പ​ലി​പോ​ലെ തോ​ന്നു​ന്ന​തി​നാ​ല്‍ അ​തി​ന് 'ആ​ഫ്രി​ക്ക​ന്‍ തി​പ്പ​ലി' എ​ന്നും വി​ളി​പ്പേ​രു​ണ്ട്. ന​ന​വു​ള്ള പ്ര​ദേ​ശ​ങ്ങ​ളി​ല്‍ വ​ള​രാ​ന്‍ ഇ​ഷ്ട​പ്പെ​ടു​ന്ന​തു​കൊ​ണ്ടു​ത​ന്നെ കൊ​ളു​ബ്രി​ന​ത്തി​ല്‍ ഗ്രാ​ഫ്റ്റ് ചെ​യ്യു​ന്ന കു​രു​മു​ള​ക് ചെ​ടി​ക​ള്‍ വെ​ള്ള​ക്കെ​ട്ടു​ള്ള പ്ര​ദേ​ശ​ങ്ങ​ളി​ലും ന​ട്ടു വ​ള​ര്‍​ത്താം. ഉ​ണ​ക്ക് പ​ടി​ക്കു​ന്ന സ്ഥ​ല​ങ്ങ​ളി​ല്‍ ഈ​ര്‍​പ്പം ന​ഷ്ട​പ്പെ​ടാ​തെ ന​ന്നാ​യി ന​ന​ച്ചു കൊ​ടു​ക്ക​ണ​മെ​ന്നു മാ​ത്രം.

വ​ള്ളി​ക്കു​രു​മു​ള​ക് ഗ്രാ​ഫ്റ്റ് ചെ​യ്യാ​ന്‍ ചെ​ന്ത​ല​ക​ളാ​ണ് വേ​ണ്ട​ത്. സാ​ധാ​ര​ണ വ​ള്ളി​ക്കു​രു​മു​ള​ക് തൈ​ക​ളും ഇ​തി​ല്‍ നി​ന്നു ത​ന്നെ​യാ​ണ് ഉ​ത്പാ​ദി​പ്പി​ക്കു​ന്ന​ത്. ചെ​ടി​യു​ടെ ചു​വ​ട്ടി​ല്‍ നി​ന്നു നി​ലം​ചേ​ര്‍​ന്നു നീ​ണ്ടു വ​ള​രു​ന്ന ഈ ​ത​ണ്ട് ഒ​രോ ക​ണ്ണി​യ​ക​ല​ത്തി​ല്‍ മു​റി​ച്ചെ​ടു​ത്താ​ണ് ഗ്രാ​ഫ്റ്റിം​ഗി​നും സാ​ധാ​ര​ണ തൈ​ക​ള്‍ കി​ളി​ര്‍​പ്പി​ക്കു​ന്ന​തി​നും ഉ​പ​യോ​ഗി​ക്കു​ന്ന​ത്. മാ​തൃ​ചെ​ടി​യി​ലെ കാ​യ്ക്കു​ന്ന ശാ​ഖ​ക​ള്‍ മു​റി​ച്ചെ​ടു​ത്താ​ണ് കു​റ്റി​ക്കു​രു​മു​ള​ക് ഗ്രാ​ഫ്റ്റിം​ഗ് ന​ട​ത്തു​ന്ന​ത്.

വാ​ട്ട​രോ​ഗ​മി​ല്ല
കു​രു​മു​ള​ക് ചെ​ടി​ക​ളെ വ്യാ​പ​ക​മാ​യി ബാ​ധി​ക്കു​ന്ന വാ​ട്ട​രോ​ഗ​ങ്ങ​ള്‍ പ്ര​ധാ​ന​മാ​യും വേ​രു​ക​ളി​ല്‍ നി​ന്നാ​ണ് ഉ​ണ്ടാ​കു​ന്ന​ത്. എ​ന്നാ​ൽ, വെ​ള്ള​ക്കെ​ട്ടി​ല്‍ വ​ള​രു​ന്ന​തു​കൊ​ണ്ടും ക​ണ്ട​ല്‍​ച്ചെ​ടി​ക​ളു​ടെ​തു​പോ​ലെ വി​പു​ല​വും ദൃ​ഢ​വു​മാ​യ വേ​രു​പ​ട​ല​മു​ള്ള​തു​കൊ​ണ്ടും കൊ​ളു​ബ്രി​ന​ത്തി​ല്‍ ഗ്രാ​ഫ്റ്റ് ചെ​യ്‌​തെ​ടു​ക്കു​ന്ന കു​രു​മു​ള​ക് ചെ​ടി​ക​ളെ വാ​ട്ട​രോ​ഗ​ങ്ങ​ള്‍ കാ​ര്യ​മാ​യി ബാ​ധി​ക്കാ​റി​ല്ല. വി​ശാ​ല​മാ​യ വേ​രു​പ​ട​ല​മു​ള്ള​തി​നാ​ല്‍ ചു​റ്റു​വ​ട്ട​ത്ത് നി​ന്ന് വ​ള​വും വെ​ള്ള​വും കൂ​ടു​ത​ല്‍ അ​ള​വി​ല്‍ വ​ലി​ച്ചെ​ടു​ത്ത് വ​ള​രെ വേ​ഗം വ​ള​രു​ക​യും മി​ക​ച്ച ആ​ദാ​യം ന​ല്‍​കു​ക​യും ചെ​യ്യും.

ഗ്രാ​ഫ്റ്റിം​ഗി​ന് തെ​ക്ക​ന്‍-2
കൈ​ര​ളി, കു​മ്പു​ക്ക​ന്‍, തെ​ക്ക​ന്‍-1, തെ​ക്ക​ന്‍-2, കു​ട​ക​ന്‍ തു​ട​ങ്ങി നി​ര​വ​ധി ഇ​ന​ങ്ങ​ള്‍ വ​ര്‍​ക്കി​ച്ച​ന്‍ ന​ട്ടു പ​രി​പാ​ലി​ക്കു​ന്നു​ണ്ടെ​ങ്കി​ലും തെ​ക്ക​ന്‍ -2 ആ​ണ് പ്ര​ധാ​ന​മാ​യും ഗ്രാ​ഫ്റ്റ് ചെ​യ്യാ​ന്‍ ഉ​പ​യോ​ഗി​ക്കു​ന്ന​ത്. ന​ല്ല ആ​ദാ​യം ന​ല്‍​കു​ന്ന ഈ ​ഇ​ന​ത്തി​ന്‍റെ തി​രി​ക്ക് 30 സെ​ന്റി​മീ​റ്റ​ര്‍ വ​രെ നീ​ള​മു​ണ്ടാ​കും. ന​ല്ല മു​ഴു​പ്പു​ള്ള 100-150 മ​ണി​ക​ള്‍ വ​രെ ഒ​രു തി​രി​യി​ല്‍ പി​ടി​ക്കും. തെ​ക്ക​ന്‍-1 ല്‍ ​മു​ന്തി​രി​ക്കു​ല​പോ​ലെ നി​റ​യെ മ​ണി​ക​ളു​മാ​യി കാ​ണാ​ന്‍ ഏ​റെ കൗ​തു​ക​മു​ള്ള തി​രി​ക​ളാ​ണു​ണ്ടാ​കു​ന്ന​ത്. കൈ​ര​ളി​യും കു​മ്പു​ക്ക​നും ന​ല്ല വി​ള​വ് ത​രു​ന്ന മി​ക​ച്ച ഇ​ന​ങ്ങ​ളാ​ണ്. ലെ​മ​ന്‍ പെ​പ്പ​ര്‍ എ​ന്ന പു​തി​യൊ​രു ഇ​ന​വും അ​ദ്ദേ​ഹം ന​ട്ടു പ​രി​പാ​ലി​ക്കു​ന്നു​ണ്ട്. ല​ഭ്യ​മാ​യ​തി​ല്‍ ഏ​റ്റ​വും എ​രി​വു​ള്ള ഈ ​ഇ​ന​ത്തി​ന്‍റെ ഇ​ല​ക​ള്‍​ക്കു നാ​ര​ങ്ങ​യു​ടെ രു​ചി​യാ​ണ്. ഒ​രു കോ​ത്ത​ല മു​ള​കി​ന്‍റെ മു​ഴു​വ​ന്‍ എ​രി​വും ലെ​മ​ന്‍ പെ​പ്പ​റി​ന്‍റെ ഒ​രു മ​ണി​യി​ലു​ണ്ട​ത്രേ!.

സാ​ധാ​ര​ണ വ​ള്ളി​ക്കു​രു​മു​ള​ക് ന​ട്ടാ​ല്‍ മൂ​ന്നാം വ​ര്‍​ഷം കാ​യ്ക്കും. നാ​ലാം വ​ര്‍​ഷം മു​ത​ല്‍ ആ​ദാ​യം ല​ഭി​ച്ചു തു​ട​ങ്ങും. കൊ​ളു​ബ്രി​ന​ത്തി​ല്‍ ഗ്രാ​ഫ്റ്റ് ചെ​യ്‌​തെ​ടു​ക്കു​ന്ന തൈ​ക​ള്‍ ര​ണ്ടാം മാ​സം കാ​യ്ക്കും. എ​ന്നാ​ല്‍, ആ​റാം മാ​സം വ​രെ തി​രി​ക​ള്‍ നു​ള്ളി​ക്ക​ള​യ​ണ​മെ​ന്ന് വ​ര്‍​ക്കി​ച്ച​ന്‍ ഓ​ര്‍​മി​പ്പി​ക്കാ​റു​ണ്ട്. ന​ല്ല കാ​യ്ഫ​ലം കി​ട്ടാ​ന്‍ അ​ത് അ​നി​വാ​ര്യ​മാ​ണ്. ഗ്രാ​ഫ്റ്റ് പി​ടി​ച്ചു ചെ​ടി വ​ള​ര്‍​ന്നു തു​ട​ങ്ങാ​ന്‍ ഒ​രു​മാ​സ​ത്തോ​ളം എ​ടു​ക്കും. ര​ണ്ടാം മാ​സം മു​ത​ല്‍ തൈ​ക​ള്‍ വി​ത​ര​ണ​ത്തി​നു ത​യാ​റാ​കും. പ​ല​പ്പോ​ഴും തി​രി​യി​ട്ട തൈ​ക​ളാ​ണ് അ​ദ്ദേ​ഹം ന​ഴ്‌​സ​റി​യി​ല്‍ നി​ന്നു ന​ല്‍​കു​ന്ന​ത്. ഗ്രാ​ഫ്റ്റ് ചെ​യ്ത വ​ള്ളി​ക്കു​രു​മു​ള​ക് ഒ​രു​വ​ര്‍​ഷം കൊ​ണ്ടു കാ​യ്ക്കും. ര​ണ്ടാം വ​ര്‍​ഷം മു​ത​ല്‍ ആ​ദാ​യം ല​ഭി​ച്ചു തു​ട​ങ്ങും.

ഗ്രാ​ഫ്റ്റിം​ഗ്
അ​ധി​കം മൂ​പ്പി​ല്ലാ​ത്ത​തും എ​ന്നാ​ല്‍ തീ​ര്‍​ത്തും ഇ​ള​പ്പ​വു​മ​ല്ലാ​ത്ത കൊ​ളു​ബ്രി​നം ത​ണ്ടാ​ണ് ഗ്രാ​ഫ്റ്റിം​ഗി​നാ​യി തെ​ര​ഞ്ഞെ​ടു​ക്കു​ന്ന​ത്. ആ ​ത​ണ്ട് വൃ​ത്തി​യാ​ക്കി ഗ്രാ​ഫ്റ്റ് ചെ​യ്യാ​ന്‍ ഉ​ദ്ദേ​ശി​ക്കു​ന്ന ഭാ​ഗ​ത്ത് വ​ച്ചു മു​റി​ക്കും. പി​ന്നീ​ട് ഒ​രി​ഞ്ച് നീ​ള​ത്തി​ല്‍ ന​ടു​വേ പി​ള​ര്‍​ക്കും. അ​തി​നു​ശേ​ഷം കു​രു​മു​ള​ക് ത​ണ്ട് മു​റി​ച്ചെ​ടു​ത്ത് ര​ണ്ടു വ​ശ​വും ചെ​ത്തി ക​നം കു​റ​ച്ച് കൊ​ളു​ബ്രി​ന​ത്തി​ന്‍റെ വി​ട​വി​ലേ​ക്ക് ഇ​റ​ക്കി വ​യ്ക്കും. ഒ​രി​ഞ്ച് വീ​തി​യും 12 ഇ​ഞ്ച് നീ​ള​വു​മു​ള്ള ടേ​പ്പ് ചു​റ്റി ബ​ല​പ്പെ​ടു​ത്തു​ന്ന​തോ​ടെ ഗ്രാ​ഫ്റ്റിം​ഗ് പൂ​ര്‍​ത്തി​യാ​കും. ഏ​റെ ശ്ര​ദ്ധ​യോ​ടെ ചെ​യ്യേ​ണ്ട​താ​ണ് ഗ്രാ​ഫ്റ്റിം​ഗ് എ​ങ്കി​ലും ആ​ര്‍​ക്കും ചെ​യ്‌​തെ​ടു​ക്കാ​വു​ന്ന​താ​ണ്. അ​തി​നു​ള്ള പ​രി​ശീ​ല​നം ന​ല്‍​കാ​ന്‍ വ​ര്‍​ക്കി​ച്ച​ന്‍ ത​യാ​റു​മാ​ണ്.

തൈ ​ഉ​ത്പാ​ദ​നം
നാ​ഗ​പ്പ​തി രീ​തി​യി​ലാ​ണ് വ​ള്ളി​ക്കു​രു​മു​ള​ക് തൈ​ക​ള്‍ ഉ​ത്പാ​ദി​പ്പി​ക്കു​ന്ന​ത്. മാ​തൃ​ചെ​ടി​യി​ല്‍ നി​ന്ന് മു​റി​ച്ചെ​ടു​ക്കു​ന്ന ചെ​ന്ത​ല​ക​ള്‍ മ​ണ്ണ് നി​റ​ച്ച പ്ലാ​സ്റ്റി​ക് കൂ​ട്ടി​ല്‍ ന​ടു​ക​യാ​ണ് ആ​ദ്യം ചെ​യ്യു​ന്ന​ത്. വ​ള​രു​ന്ന​തി​ന് അ​നു​സ​രി​ച്ച് ഓ​രോ ക​ണ്ണി​ക്കു​മൊ​പ്പം മ​ണ്ണു നി​റ​ച്ച കൂ​ടു​ക​ള്‍ സ്ഥാ​പി​ക്കും. ക​ണ്ണി​യി​ല്‍ നി​ന്നു പൊ​ട്ടി വ​രു​ന്ന വേ​രു​ക​ള്‍ കൂ​ടി​ലെ മ​ണ്ണി​ലേ​ക്ക് വേ​ഗ​ത്തി​ല്‍ ഇ​റ​ങ്ങാ​നാ​യി ത​ണ്ടി​ല്‍ ക്ലി​പ്പു​ക​ള്‍ ഉ​റ​പ്പി​ക്കും. ഒ​രു മാ​സ​ത്തി​നു​ശേ​ഷം മു​റി​ച്ചു മാ​റ്റു​ന്ന തൈ​ക​ള്‍ പ്ലാ​സ്റ്റി​ക് കൂ​ടു​ക​ളി​ല്‍ ത​ന്നെ ഉ​റ​പ്പി​ച്ചു നി​റു​ത്തും. ര​ണ്ടാം മാ​സ​ത്തോ​ടെ വി​ത​ര​ണ​ത്തി​നു ത​യാ​റാ​കും. ഗ്രീ​ന്‍ നെ​റ്റി​നു​ള്ളി​ല്‍ പാ​ക​പ്പെ​ടു​ത്തു​ന്ന തൈ​ക​ള്‍ മി​സ്റ്റ് ഇ​റി​ഗേ​ഷ​ന്‍ വ​ഴി​യാ​ണ് ന​ന​യ്ക്കു​ന്ന​ത്.

താ​ങ്ങു മ​ര​ങ്ങ​ളി​ലോ പി​വി​സി പൈ​പ്പു​ക​ളി​ലോ കോ​ണ്‍​ക്രീ​റ്റ് കാ​ലു​ക​ളി​ലോ ക​യ​റ്റി വി​ടു​ന്ന ഗ്രാ​ഫ്റ്റും അ​ല്ലാ​ത്ത​തു​മാ​യ വ​ള്ളി​കു​രു​മു​ള​ക് ചെ​ടി​ക​ള്‍​ക്ക് ന​ല്ല വെ​യി​ല്‍ വേ​ണം. വേ​ന​ല്‍​ക്കാ​ല​ത്ത് ന​ന അ​ത്യാ​വ​ശ്യ​മാ​ണു താ​നും. എ​ന്നാ​ല്‍, ചെ​ടി​ച്ച​ട്ടി​ക​ളി​ലും ഡ്ര​മ്മു​ക​ളി​ലും നി​ല​ത്തും ന​ട്ടു​പി​ടി​പ്പി​ക്കാ​വു​ന്ന കു​റ്റി​ക്കു​രു​മു​ള​ക് ചെ​ടി​ക​ള്‍ ത​ണ​ലി​ലും ന​ന്നാ​യി വ​ള​രും. ഗ്രാ​ഫ്റ്റാ​യ​തി​നാ​ല്‍ എ​പ്പോ​ഴും ഈ​ര്‍​പ്പം വേ​ണ​മെ​ന്നു മാ​ത്രം.

കു​റ്റി​ക്കു​രു​മു​ള​ക് തോ​ട്ടം
വീ​ടി​നോ​ട് ചേ​ര്‍​ന്നു​ള്ള 30 സെ​ന്‍റ് സ്ഥ​ല​ത്താ​ണ് വ​ര്‍​ക്കി​ച്ച​ന്‍ കു​റ്റി​ക്കു​രു​മു​ള​ക് തോ​ട്ടം ന​ട്ടു പി​ടി​പ്പി​ച്ചി​രി​ക്കു​ന്ന​ത്. ചെ​ടി​ക​ള്‍​ക്ക് ആ​റു വ​ര്‍​ഷ​ത്തോ​ളം പ്രാ​യ​മു​ണ്ട്. അ​തി​സാ​ന്ദ്ര​താ രീ​തി​യി​ല്‍ നി​ര​യൊ​പ്പി​ച്ചു​ള്ള വേ​ലി​പോ​ലെ വ​ള​ര്‍​ന്നു നി​ല്‍​ക്കു​ന്ന ചെ​ടി​ക​ളെ​ല്ലാം വ്യ​ത്യ​സ്ഥ​യി​നം ഗ്രാ​ഫ്റ്റ് തൈ​ക​ളാ​ണ്. വേ​രു​ക​ളി​ല്‍ നി​ന്നു പൊ​ട്ടി വ​ള​രു​ന്ന കൊ​ളു​ബ്രി​നം ശാ​ഖ​ക​ളി​ല്‍ കൂ​ടു​ത​ല്‍ ഗ്രാ​ഫ്റ്റു​ക​ള്‍ ന​ട​ത്തി​യാ​ണ് തോ​ട്ടം വി​പു​ല​മാ​ക്കി​യ​ത്. കൊ​ളു​ബ്രി​നം ശാ​ഖ​ക​ളു​ടെ പൊ​ക്ക​ത്തി​ന് അ​നു​സ​രി​ച്ച് പ​ല​ത​ട്ടു​ക​ളി​ലാ​ണു ചെ​ടി​ക​ള്‍ വ​ള​രു​ന്ന​ത്. നി​ര​ക​ള്‍ ത​മ്മി​ല്‍ മൂ​ന്ന​ടി​യും ചെ​ടി​ക​ള്‍ ത​മ്മി​ല്‍ ആ​റ​ടി​യും അ​ക​ല​ത്തി​ലാ​ണ് ആ​ദ്യം ന​ട്ട​ത്. പി​ന്നീ​ട് ചെ​ടി​ക​ള്‍ ത​മ്മി​ലു​ള്ള അ​ക​ലം തീ​ര്‍​ത്തും ഇ​ല്ലാ​താ​യി. കൊ​ളു​ബ്രി​ന​ത്തി​ന് പു​തി​യ മു​ള​ക​ള്‍ വ​രി​ക​യും പൊ​ട്ടി​യ​ടു​ക്കു​ക​യു​മാ​യി​രു​ന്നു. പു​തു​താ​യി വ​ന്ന ഓ​രോ മു​ള​യി​ലും പു​തി​യ കു​രു​മു​ള​ക് ചെ​ടി​ക​ള്‍ ഗ്രാ​ഫ്റ്റ് ചെ​യ്യു​ക​യും ചെ​യ്തു.

ജൈ​വ​വ​ളം
കു​റ്റി​ക്കു​രു​മു​ള​കി​ന് ജൈ​വ​വ​ള​ങ്ങ​ളാ​ണ് പ്ര​ധാ​ന​മാ​യും ഉ​പ​യോ​ഗി​ക്കു​ന്ന​ത്. ച​ണ​ക​പ്പൊ​ടി കു​ഴി​യി​ല്‍ നി​റ​ച്ചാ​ണ് തൈ​ക​ള്‍ ന​ടു​ന്ന​ത്. പ​ഞ്ച​ഗ​വ്യം, പ​ച്ച​ചാ​ണ​ക​വും ക​ട​ല​പ്പി​ണ്ണാ​ക്കും ചേ​ര്‍​ത്ത മി​ശ്രി​തം എ​ന്നി​വ​യും ഇ​ട​യ്ക്കി​ട​യ്ക്കു ന​ല്‍​കും. വേ​ന​ല്‍​ക്കാ​ല​ത്ത് ന​ന മു​ട​ക്കാ​റി​ല്ല. അ​തി​നാ​യി മി​സ്റ്റ് ഇ​റി​ഗേ​ഷ​ന്‍ സം​വി​ധാ​നം ഏ​ര്‍​പ്പെ​ടു​ത്തി​യി​ട്ടു​ണ്ട്.

വി​ള​വെ​ടു​പ്പ്
സാ​ധാ​ര​ണ വ​ള്ളി​ക്കു​രു​മു​ള​കി​ല്‍ നി​ന്നു വ​ര്‍​ഷ​ത്തി​ല്‍ ഒ​രു പ്രാ​വ​ശ്യ​മാ​ണ് വി​ള​വെ​ടു​പ്പ്. എ​ന്നാ​ൽ, കു​റ്റി​ക്കു​രു​മു​ള​കി​ല്‍ നി​ന്നു വ​ര്‍​ഷം മു​ഴു​വ​ന്‍ എ​ല്ലാ ദി​വ​സ​വും വി​ള​വെ​ടു​ക്കാം. കു​റ്റി​ക്കു​രു​മു​ള​ക് ന​ട്ട് ഒ​ന്ന​ര വ​ര്‍​ഷം ക​ഴി​യു​മ്പോ​ള്‍ ഒ​രു ചു​വ​ട്ടി​ല്‍ നി​ന്ന് അ​ഞ്ച് കി​ലോ പ​ച്ച​ക്കു​രു​മു​ള​ക് പ​റി​ക്കാം. അ​ത് ഉ​ണ​ങ്ങി​യാ​ല്‍ ര​ണ്ട് കി​ലോ കി​ട്ടും. ആ​റ​ടി അ​ക​ല​ത്തി​ല്‍ ന​ട്ടാ​ല്‍ ഒ​രു ചു​വ​ട്ടി​ല്‍ എ​ട്ട് ഗ്രാ​ഫ്റ്റ് തൈ​ക​ള്‍ വ​രെ വ​ള​ര്‍​ത്താം. ഉ​ണ​ങ്ങി​യ​തി​ന് മാ​ത്ര​മ​ല്ല പ​ച്ച​ക്കു​രു​മു​ള​കി​നും ന​ല്ല ഡി​മാ​ന്‍​ഡു​ണ്ടെ​ന്ന് വ​ര്‍​ക്കി​ച്ച​ന്‍ പ​റ​ഞ്ഞു. കു​രു​മു​ള​ക് ഉ​ണ​ങ്ങി സൂ​ക്ഷി​ച്ചാ​ല്‍ ഏ​റെ​ക്കാ​ലം കേ​ടു​കൂ​ടാ​തെ ഇ​രി​ക്കും. മാ​ര്‍​ക്ക​റ്റ് നി​ല​വാ​രം നോ​ക്കി വി​റ്റ​ഴി​ച്ചാ​ല്‍ മ​തി.

വീ​ട്ടു​കാ​ര്‍ മ​തി
തൊ​ഴി​ലാ​ളി​ക​ളു​ടെ സ​ഹാ​യം തീ​ര്‍​ത്തു​മി​ല്ലാ​തെ വീ​ട്ടു​കാ​ര്‍​ക്കു മാ​ത്രം പ​രി​പാ​ലി​ക്കാ​വു​ന്ന കൃ​ഷി​യാ​ണ് കു​റ്റി​ക്കു​രു​മു​ള​ക്. താ​ങ്ങു​മ​ര​ങ്ങ​ളോ കാ​ലു​ക​ളോ ആ​വ​ശ്യ​മി​ല്ലാ​ത്ത​തി​നാ​ല്‍ നി​ല​ത്തു നി​ന്നു മു​ള​ക് പ​റി​ച്ചെ​ടു​ക്കാം. വി​ശ്ര​മ​വേ​ള​ക​ളി​ല്‍ സ്ത്രീ​ക​ള്‍​ക്കും കു​ട്ടി​ക​ള്‍​ക്കും ഇ​തി​ല്‍ പ​ങ്കാ​ളി​ക​ളാ​കു​ക​യും ചെ​യ്യാം. ഗ്രാ​ഫ്റ്റിം​ഗി​ല്‍ ഭാ​ര്യ ജെ​സി​യാ​ണ് വ​ര്‍​ക്കി​ച്ച​ന്‍റെ മു​ഖ്യ​സ​ഹാ​യി. മ​ക​ന്‍ ജ​യ്‌​സ​ണും മ​രു​മ​ക​ള്‍ റോ​സ്മി​യും എ​ല്ലാ സ​ഹാ​യ​വു​മാ​യി ഇ​രു​വ​ര്‍​ക്കു​മൊ​പ്പം എ​പ്പോ​ഴു​മു​ണ്ട്. കൊ​ച്ചു​മ​ക്ക​ളാ​യ ജോ​യ​ലും റി​ച്ചാ ര്‍​ഡും സ്‌​കൂ​ള്‍ വി​ട്ടു വ​ന്നാ​ല്‍ തോ​ട്ട​ത്തി​ല്‍ ത​ന്നെ​യാ​ണെ​ന്നു വ​ര്‍​ക്കി​ച്ച​ന്‍ അ​ഭി​മാ​ന​ത്തോ​ടെ പ​റ​ഞ്ഞു.

തു​ട​ക്കം വാ​നി​ല​യി​ല്‍
90ക​ളി​ല്‍ വാ​നി​ല കൃ​ഷി​യി​ലാ​യി​രു​ന്നു വ​ര്‍​ക്കി​ച്ച​ന്‍റെ തു​ട​ക്കം. 15 വ​ര്‍​ഷം അ​തി​ല്‍ പൂ​ര്‍​ണ​മാ​യും മു​ഴു​കി. വ​ള്ളി​യു​ടെ ഉ​ത്പാ​ദ​ന​ത്തി​നും വി​പ​ണ​ന​ത്തി​നു​മാ​യി ന​ഴ്‌​സ​റി​യു​മു​ണ്ടാ​യി​രു​ന്നു. കൃ​ഷി​ക്കൊ​പ്പം നി​രീ​ക്ഷ​ണ പ​ഠ​ന​ങ്ങ​ളും ഏ​റെ ന​ട​ത്തി. അ​തു​വ​ഴി ഏ​തു വ​ള്ളി​യി​ലും കാ​യ് പി​ടി​പ്പി​ക്കാ​ന്‍ ക​ഴി​യു​ന്ന രീ​തി അ​ദ്ദേ​ഹം വി​ക​സി​പ്പി​ച്ചെ​ടു​ത്തു. അ​ത് 'ക​ണ്ട​ങ്ക​യം മോ​ഡ​ല്‍' എ​ന്ന് അ​റി​യ​പ്പെ​ട്ടു. അ​തി​ന്‍റെ പേ​രി​ല്‍ ദേ​ശീ​യ അ​വാ​ര്‍​ഡും കി​ട്ടി. എ​ന്നാ​ൽ, പി​ല്‍​ക്കാ​ല​ത്ത് പ​ട​ര്‍​ന്നു പി​ടി​ച്ച അ​ഴു​ക​ല്‍ രോ​ഗം വാ​നി​ല​യെ മു​ച്ചൂ​ടും ന​ശി​പ്പി​ച്ചു. പ്ര​തി​രോ​ധ​മാ​ര്‍​ഗ​ങ്ങ​ളൊ​ന്നും ഫ​ലി​ക്കാ​തെ വ​ന്ന​തോ​ടെ കൃ​ഷി ഉ​പേ​ക്ഷി​ക്കാ​ന്‍ അ​ദ്ദേ​ഹം നി​ര്‍​ബ​ന്ധി​ത​നാ​കു​ക​യാ​യി​രു​ന്നു.

പി​ന്നീ​ട് പ​ഴ​വ​ര്‍​ഗ​കൃ​ഷി​യി​ലേ​ക്കു തി​രി​ഞ്ഞെ​ങ്കി​ലും പി​ടി​ച്ചു നി​ല്‍​ക്കാ​നാ​യി​ല്ല. വ​ന​ത്തി​ല്‍ നി​ന്ന് പ​റ​ന്നെ​ത്തു​ന്ന പ​ക്ഷി​ക്കൂ​ട്ട​ങ്ങ​ളും കാ​ട്ടു​മൃ​ഗ​ങ്ങ​ളും വി​ള​വെ​ടു​ക്കാ​ന്‍ അ​നു​വ​ദി​ച്ചി​ല്ല. അ​തോ​ടെ അ​തും ഉ​പേ​ക്ഷി​ക്കേ​ണ്ടി വ​ന്നു. അ​തി​നു​ശേ​ഷ​മാ​ണ് കു​രു​മു​ള​കി​ലേ​ക്ക് തി​രി​ഞ്ഞ​ത്.

അ​ഴു​ത​യാ​റി​ന്‍റെ തീ​ര​ത്ത്
ശ​ബ​രി​മ​ല​യെ തൊ​ട്ടൊ​ഴു​കു​ന്ന അ​ഴു​ത​യാ​റി​ന്‍റെ തീ​ര​ത്താ​ണ് വ​ര്‍​ക്കി​ച്ച​ന്‍റെ വീ​ടും ന​ഴ്‌​സ​റി​യും. മൂ​ന്നു വ​ശ​ങ്ങ​ളും വ​നം അ​തി​രി​ടു​ന്ന പു​ര​യി​ട​ത്തി​ല്‍ ആ​ന​യു​ള്‍​പ്പെ​ടെ​യു​ള്ള വ​ന്യ​മൃ​ഗ​ങ്ങ​ള്‍ പ​തി​വ് കാ​ഴ്ച. ആ​ന​ക്കൂ​ട്ടം ത​ക​ര്‍​ത്തെ​റി​ഞ്ഞ തെ​ങ്ങു​ക​ളും പ്ലാ​വു​ക​ളും നി​ര​വ​ധി. ആ​റി​ന​ക്ക​രെ കൂ​ട്ട​മാ​യി പ​റ​ന്നു​പോ​കു​ന്ന മ​ഴ​മു​ഴ​ക്കി വേ​ഴാ​മ്പ​ലു​ക​ളും സൈ്വ​ര​വി​ഹാ​രം ന​ട​ത്തു​ന്ന കാ​ട്ടു​പോ​ത്തു​ക​ളും ക​ടു​വ​ക​ളും പു​ലി​ക​ളും. എ​ങ്കി​ലും ചു​റ്റു​മ​തി​ലു​ക​ളും ഫെ​ന്‍​സിം​ഗും ന​ല്‍​കു​ന്ന അ​ത്ര ഉ​റ​പ്പി​ല്ലാ​ത്ത സം​ര​ക്ഷ​ണ​യി​ലാ​ണ് വ​ര്‍​ക്കി​ച്ച​നും കു​ടും​ബ​വും ജീ​വ​നും കു​രു​മു​ള​ക് തോ​ട്ട​വും ന​ഴ്‌​സ​റി​യും സം​ര​ക്ഷി​ക്കു​ന്ന​ത്.

ഫോ​ണ്‍: 9447660017, 914828280575

Tags :