ADVERTISEMENT
ന്യൂഡൽഹി: ലോക സമാധാനത്തിന് കലയെ ഉപയോഗപ്പെടുത്തുക എന്ന സന്ദേശം ഊട്ടിയുറപ്പിച്ച് റുവാണ്ടൻ ഹൈക്കമ്മീഷനും ഡൽഹി ചാവറ കൾച്ചറൽ സെന്ററും സംയുക്തമായി ഇന്തോ - റുവാണ്ടൻ സാംസ്കാരിക സന്ധ്യ സംഘടിപ്പിച്ചു.
ഭാരത സർക്കാരിന്റെ വാർത്താവിതരണ - പ്രക്ഷേപണ മന്ത്രാലയത്തിനു കീഴിലുള്ള സെൻട്രൽ ബ്യൂറോ ഓഫ് കമ്യൂണിക്കേഷന്റെ സഹകരണത്തോടെയായിരുന്നു സാംസ്കാരിക സന്ധ്യ സംഘടിപ്പിച്ചത്.
ശ്രീറാം സെന്റർ ഫോർ പെർഫോമിംഗ് ആർട്സിൽ നടന്ന പരിപാടിയിൽ നിരവധി നയതന്ത്ര പ്രതിനിധികളും ഡൽഹിയിലെ സാംസ്കാരിക പ്രമുഖരും പങ്കെടുത്തു.
മാൾട്ട ഹൈക്കമ്മീഷണർ റൂബൻ ഗൗച്ചി ഉദ്ഘാടനം ചെയ്ത സാംസ്കാരിക സന്ധ്യയിൽ മാർവ സ്റ്റുഡിയോ സ്ഥാപകൻ സന്ദീപ് മാർവ മുഖ്യപ്രഭാഷണം നടത്തി.
റുവാണ്ടൻ ഹൈക്കമ്മീഷണർ ജാക്വലിൻ മുക്കംഗിര മുഖ്യാതിഥിയായിരുന്നു. ഡൽഹി ചാവറ കൾച്ചറൽ സെന്റർ ഡയറക്ടർ റവ. ഡോ. റോബി കണ്ണഞ്ചിറ സിഎംഐ സ്വാഗതമാശംസിച്ചു.
Tags : indo rwandan fest Rwanda