1960ൽ ​എ​ന്‍റെ പി​താ​വ് ജാ​ക്ക് പി​ക്കാ​ർ​ഡ് മ​രി​യാ​ന ട്രെ​ഞ്ചി​ന്‍റെ അ​ടി​ത്ത​ട്ടി​ലെ​ത്തി - ഏ​ക​ദേ​ശം 11,000 മീ​റ്റ​ർ (36,000 അ​ടി) ക​ട​ൽ​നി​ര​പ്പി​നു​ താ​ഴെ. ഈ ​ദൗ​ത്യം വാ​ർ​ത്ത​ക​ളി​ൽ ഇ​ടം നേ​ടാ​നാ​യി​രു​ന്നി​ല്ല; മ​റി​ച്ച്, അ​പ​ക​ട​ക​ര​മാ​യ ഒ​രു തെ​റ്റി​ദ്ധാ​ര​ണ തി​രു​ത്താ​നാ​യി​രു​ന്നു. സ​മു​ദ്ര​ത്തി​ന്‍റെ ആ​ഴ​ങ്ങ​ളി​ലെ ഭ​യാ​ന​ക​മാ​യ ഇ​രു​ട്ടി​ൽ ജീ​വ​ന് നി​ല​നി​ൽ​ക്കാ​നാ​കി​ല്ലെ​ന്ന് ചി​ല വി​ദ​ഗ്ധ​ർ വാ​ദി​ച്ചി​രു​ന്നു. അ​തോ​ടെ ആ​ഴ​ക്ക​ട​ലി​നെ ആ​ണ​വ​മാ​ലി​ന്യം ത​ള്ളാ​നു​ള്ള സ്ഥ​ല​മാ​യി ഉ​പ​യോ​ഗി​ക്കാ​മെ​ന്നാ​യി. എ​ന്നാ​ൽ, എ​ന്‍റെ പി​താ​വും സം​ഘ​വും അ​വി​ടെ ജീ​വ​നു​ള്ള മ​ത്സ്യ​ങ്ങ​ളെ ക​ണ്ടെ​ത്തി. വ​ലി​യ ദു​ര​ന്തം ത​ട​യാ​ൻ സ​ഹാ​യി​ച്ച ക​ണ്ടു​പി​ടിത്ത​മാ​യി അ​ത്.

പ​ര്യ​വേ​ക്ഷ​ണം എ​ന്‍റെ കു​ടും​ബ​ത്തി​ന് എ​ന്താ​യി​രു​ന്നു എ​ന്നു വ്യ​ക്ത​മാ​ക്കു​ന്ന​താ​യി​രു​ന്നു പി​താ​വി​ന്‍റെ ദൗ​ത്യം. അ​ത് കീ​ഴ​ട​ക്ക​ലും ആ​ധി​പ​ത്യ​വും ആ​യി​രു​ന്നി​ല്ല. മ​റി​ച്ച്, ജി​ജ്ഞാ​സ​യും മ​ന​സി​ലാ​ക്ക​ലു​മാ​യി​രു​ന്നു. പ്ര​കൃ​തി​യെ​ക്കു​റി​ച്ചു പ​ഠി​ക്കു​ന്ന​ത് അ​റി​വി​ന്‍റെ അ​തി​രു​ക​ൾ വി​ക​സി​പ്പി​ക്കാ​ൻ മാ​ത്ര​മ​ല്ല. അ​ത് ഈ ​ഗ്ര​ഹ​ത്തി​ന്‍റെ സം​ര​ക്ഷ​ക​ർ എ​ന്ന നി​ല​യി​ൽ ന​മ്മു​ടെ ഉ​ത്ത​ര​വാ​ദി​ത്വത്തി​ന്‍റെ വ്യാ​പ്തി​യും വ​ർ​ധി​പ്പി​ക്കു​ന്നു.

സ​മു​ദ്രം വ​ലി​യ ഭീ​ഷ​ണി​യിൽ

സ​മു​ദ്രം ഇ​ന്ന് എ​ന്ന​ത്തേ​ക്കാ​ളും വ​ലി​യ ഭീ​ഷ​ണി​യി​ലാ​ണ്. അ​മേ​രി​ക്ക ഇ​പ്പോ​ൾ സ്വ​കാ​ര്യ​ ക​മ്പ​നി​ക​ൾ​ക്ക് ആ​ഴ​ക്ക​ട​ൽ ഖ​ന​നം ന​ട​ത്താ​ൻ അ​നു​മ​തി ന​ൽ​കി​യി​രി​ക്കു​ന്നു. എ​ന്നു മാ​ത്ര​മ​ല്ല, പ​തി​റ്റാ​ണ്ടു​ക​ളാ​യി മു​ന്ന​റി​യി​പ്പു ല​ഭി​ച്ചി​ട്ടും മ​നു​ഷ്യ​രാ​ശി സ​മു​ദ്ര​ത്തെ അ​ക്ഷ​യ​പാ​ത്ര​മാ​യും അ​ന്ത​മി​ല്ലാ​ത്ത മാ​ലി​ന്യ​നി​ക്ഷേ​പ​കേ​ന്ദ്ര​മാ​യും ക​ണ​ക്കാ​ക്കു​ന്ന​ത് തു​ട​രു​ന്നു. ന​മ്മ​ൾ പ്ലാ​സ്റ്റി​ക്കു കൊ​ണ്ട് അ​തി​നെ ശ്വാ​സം​മു​ട്ടി​ക്കു​ന്നു. ഉ​ൽ​സ​ർ​ജ​നം (Emission) കൊ​ണ്ട് ചൂ​ടാ​ക്കു​ന്നു. രാ​സ​വ​സ്തു​ക്ക​ൾ കൊ​ണ്ട് വി​ഷ​ലി​പ്ത​മാ​ക്കു​ന്നു. അ​മി​ത മ​ത്സ്യ​ബ​ന്ധ​നം ന​ട​ത്തി അ​തി​നെ ന​ശി​പ്പി​ക്കു​ന്നു.

ന​മ്മ​ൾ ഉ​ട​മ്പ​ടി​ക​ളെ​ക്കു​റി​ച്ചും വ​ലി​യ ല​ക്ഷ്യ​ങ്ങ​ളെ​ക്കു​റി​ച്ചും സം​സാ​രി​ക്കു​ന്നു. അ​പ്പോ​ഴും ന​മ്മു​ടെ പ്ര​വ​ർ​ത്ത​ന​ങ്ങ​ൾ അ​പ​ര്യാ​പ്ത​മാ​ണ്. സ​മു​ദ്ര​ത്തി​ന്‍റെ നാ​ശ​ത്തി​ന് വേ​ഗം കൂ​ടു​മ്പോ​ഴും സ​ർ​ക്കാ​രു​ക​ൾ ആ​ഗോ​ള സ​മ​വാ​യം ഉ​ണ്ടാ​ക്കു​ന്ന​തി​ന്‍റെ സ​ങ്കീ​ർ​ണ​ത​യ്ക്കു പി​ന്നി​ൽ അ​ഭ​യം തേ​ടു​ന്നു. അ​തു​ത​ന്നെ നി​ഷ്ക്രി​യ​ത്വ​ത്തി​നു​ള്ള ഒ​ഴി​ക​ഴി​വാ​ക്കു​ന്നു. അ​ങ്ങി​നെ സം​ര​ക്ഷി​ത സ​മു​ദ്ര​മേ​ഖ​ല​ക​ളി​ൽ വി​നാ​ശ​ക​ര​മാ​യ ബോ​ട്ടം ട്രോ​ളിം​ഗ് പോ​ലു​ള്ള നി​യ​മ​വി​രു​ദ്ധ പ്ര​വ​ർ​ത്ത​ന​ങ്ങ​ളി​ൽ ഏ​ർ​പ്പെ​ടു​ന്ന മീ​ൻ​പി​ടി​ത്ത ബോ​ട്ടു​ക​ൾ​ക്ക് ഇ​പ്പോ​ഴും തു​റ​മു​ഖ​ങ്ങ​ളി​ലും ച​ന്ത​ക​ളി​ലും അ​വ​രു​ടെ ഉ​ത്പ​ന്ന​ങ്ങ​ൾ ത​ട​സ​മി​ല്ലാ​തെ വി​ൽ​ക്കാ​ൻ പ​റ്റു​ന്നു. നി​യ​മ​ങ്ങ​ൾ നി​ല​വി​ലു​ണ്ട്. പ​ക്ഷേ, ദു​ർ​ബ​ല​മാ​യ ന​ട​പ്പാ​ക്ക​ലാ​ണ് പ്ര​ശ്നം. ചി​ല​യി​ട​ത്തെ​ങ്കി​ലും നി​യ​മ​ത്തി​നു പു​ല്ലു​വി​ല​യാ​ണ്.

എ​ല്ലാം ​തി​ക​ഞ്ഞ ഉ​ട​മ്പ​ടി​ക​ളെ കാ​ത്തി​രി​ക്കാ​നാ​കി​ല്ല. അ​വ​യു​ടെ സ​ന്പൂ​ർ​ണ ന​ട​പ്പാ​ക്ക​ലും പ്രാ​യോ​ഗി​ക​മാ​വി​ല്ല. മ​റ്റു​ള്ള​വ​രു​ടെ പ​രാ​ജ​യം ന​മ്മു​ടെ നി​ഷ്ക്രി​യ​ത്വ​ത്തി​ന് ഒ​ഴി​ക​ഴി​വാ​ക്ക​രു​ത്. പ​രി​ഹാ​ര​ങ്ങ​ൾ ന​മു​ക്ക് അ​റി​യാ​മെ​ന്ന​താ​ണു വ​സ്തു​ത. അ​വ ന​ട​പ്പാ​ക്കാ​നു​ള്ള ഉ​പ​ക​ര​ണ​ങ്ങ​ളും ന​മു​ക്കു​ണ്ട്. ഇ​ല്ലാ​ത്ത​ത് ഇ​ച്ഛാ​ശ​ക്തി​യാ​ണ്.

ശ്ര​ദ്ധ ‘നീ​ല’ സ​മ്പ​ദ്‌​ വ്യ​വ​സ്ഥയിൽ

സാ​മ്പ​ത്തി​ക​വ​ള​ർ​ച്ച​യെ പാ​രി​സ്ഥി​തി​ക സം​ര​ക്ഷ​ണ​വു​മാ​യി സ​മ​ന്വ​യി​പ്പി​ക്കു​ന്ന 1,800ല​ധി​കം ശു​ദ്ധ​വും ലാ​ഭ​ക​ര​വു​മാ​യ ത​ന്ത്ര​ങ്ങ​ളും ഉ​പ​ക​ര​ണ​ങ്ങ​ളും സോ​ളാ​ർ ഇം​പ​ൾ​സ് ഫൗ​ണ്ടേ​ഷ​നി​ൽ ഞ​ങ്ങ​ൾ ക​ണ്ടെ​ത്തി​യി​ട്ടു​ണ്ട്. അ​ന​ധി​കൃ​ത മീ​ൻ​പി​ടി​ത്തം പി​ന്തു​ട​രാ​നും ബ​ഹി​രാ​കാ​ശ​ത്തു​നി​ന്നു ക​പ്പ​ലു​ക​ളു​ടെ നീ​ക്ക​ങ്ങ​ൾ നി​രീ​ക്ഷി​ക്കാ​നു​മു​ള്ള സാ​ങ്കേ​തി​ക​വി​ദ്യ​ക​ൾ ഇ​ക്കൂ​ട്ട​ത്തി​ലു​ണ്ട്. കു​റ​ഞ്ഞ കാ​ർ​ബ​ൺ ഉ​ൽ​സ​ർ​ജ​ന​മു​ള്ള ഷി​പ്പിം​ഗ്, പ്ലാ​സ്റ്റി​ക് മാ​ലി​ന്യം ത​ട​യ​ൽ, പു​ന​രു​ത്പാ​ദ​ന ജ​ല​കൃ​ഷി എ​ന്നി​വ​യി​ലെ ന​വീ​ക​ര​ണ​ങ്ങ​ളു​മു​ണ്ട്. ക​ട​ലി​നെ അ​മി​ത​ചൂ​ഷ​ണം ചെ​യ്യാ​തെ സാ​ന്പ​ത്തി​ക​മാ​യി ഉ​പ​യോ​ഗ​പ്പെ​ടു​ത്തു​ന്ന ‘നീ​ല സ​മ്പ​ദ്‌​വ്യ​വ​സ്ഥ’​യി​ലാ​ണ് ശ്ര​ദ്ധ. പു​ന​രു​ജ്ജീ​വ​ന​പ​ര​വും സു​സ്ഥി​ര​വു​മാ​യ സ​മ്പ്ര​ദാ​യ​ങ്ങ​ൾ ശ​ക്തി​പ്പെ​ടു​ത്തു​ന്ന​തി​ലാ​ണ് കാ​ര്യം.

സ​മു​ദ്ര​വു​മാ​യി ബ​ന്ധ​പ്പെ​ട്ട ന​വീ​ക​ര​ണ​ പ്ര​വ​ർ​ത്ത​ന​ങ്ങ​ൾ രേ​ഖ​പ്പെ​ടു​ത്തു​ന്ന​താ​ണ് ഞ​ങ്ങ​ളു​ടെ ‘ഓ​ഷ്യ​ൻ ഓ​പ്പ​ർ​ച്യു​ണി​റ്റി ഗൈ​ഡ്’. ഇ​തു​വ​ഴി പ​രി​ഹാ​ര​ങ്ങ​ൾ എ​ത്ര​ത്തോ​ളം വ്യാ​പ​ക​വും പ്രാ​യോ​ഗി​ക​വു​മാ​ണെ​ന്ന് വ്യ​ക്ത​മാ​ക്കു​ന്നു. സ​മു​ദ്ര​ജീ​വി​ത​ത്തെ പി​ന്തു​ണ​യ്ക്കു​ന്ന ജൈ​വ​മെ​ച്ച​പ്പെ​ടു​ത്ത​ൽ മു​ത​ൽ ക​ട​ൽ​പ്പാ​യ​ൽ അ​ടി​സ്ഥാ​ന​മാ​ക്കി ഒ​റ്റ​ത്ത​വ​ണ ഉ​പ​യോ​ഗി​ക്കാ​വു​ന്ന പ്ലാ​സ്റ്റി​ക്കി​നു​ള്ള ബ​ദ​ലു​ക​ൾ​ വ​രെ ഇ​തി​ലു​ണ്ട്. കൂ​ടാ​തെ, സ​മു​ദ്ര​ഭ​ക്ഷ്യ​വി​ഭ​വ​ങ്ങ​ളു​ടെ പേ​രി​ലു​ള്ള ക​ബ​ളി​പ്പി​ക്ക​ൽ ക​ണ്ടെ​ത്താ​നു​ള്ള സം​വി​ധാ​ന​ങ്ങ​ളു​മു​ണ്ട്. ഇ​വ വെ​റും സൈ​ദ്ധാ​ന്തി​ക മോ​ഡ​ലു​ക​ള​ല്ല; ലോ​ക​മെ​മ്പാ​ടും ഇ​തി​ന​കം ഉ​പ​യോ​ഗി​ക്കാ​ൻ തു​ട​ങ്ങി​യി​ട്ടു​ള്ള യ​ഥാ​ർ​ഥ ഉ​പ​ക​ര​ണ​ങ്ങ​ളാ​ണ്. അ​വ​യ്ക്കു പി​ന്നി​ൽ സം​രം​ഭ​ക​രും ശാ​സ്ത്ര​ജ്ഞ​രും എ​ൻ​ജി​നി​യ​ർ​മാ​രു​മു​ണ്ട്.

ഇ​ട​ക​ല​ർ‌​ന്ന സാ​ന്പ​ത്തി​ക​ ഘ​ട​ന​ക​ൾ, ഫ​ല​ങ്ങ​ളെ അ​ടി​സ്ഥാ​ന​മാ​ക്കി​യു​ള്ള പ​ണ​മ​ട​വു​ക​ൾ, അ​പ​ക​ട​സാ​ധ്യ​ത കു​റ​യ്ക്കു​ന്ന​തി​നു​ള്ള സം​വി​ധാ​ന​ങ്ങ​ൾ എ​ന്നി​വ മൂ​ല​ധ​നം ല​ഭ്യ​മാ​ക്കാ​ൻ തു​ട​ങ്ങി​യി​രി​ക്കു​ന്നു. ദു​ർ​ബ​ല​മാ​യ തീ​ര​ദേ​ശ സ​മ്പ​ദ്‌​വ്യ​വ​സ്ഥ​ക​ളി​ൽ പ്ര​കൃ​തി അ​ധി​ഷ്ഠി​ത പ​രി​ഹാ​ര​ങ്ങ​ൾ​ക്കും സു​സ്ഥി​ര അ​ക്വാ​ ക​ൾ​ച്ച​റി​നും ഇ​തു കൂ​ടു​ത​ൽ പ്ര​യോ​ജ​ന​പ്പെ​ടു​ന്നു. ഒ​രു​മി​ച്ചു പ്ര​വ​ർ​ത്തി​ച്ചാ​ൽ, ലോ​ക​ത്തി​ലെ ഏ​റ്റ​വും സ​ങ്കീ​ർ​ണ​മാ​യ വെ​ല്ലു​വി​ളി​ക​ളി​ലൊ​ന്ന് പ​രി​ഹ​രി​ക്കാ​ൻ ക​ഴി​വു​ള്ള ഒ​രു പു​തി​യ ആ​വാ​സ​വ്യ​വ​സ്ഥ കെ​ട്ടി​പ്പ​ടു​ക്കാ​ൻ ക​ഴി​യു​മെ​ന്നാ​ണ് ഇ​തു തെ​ളി​യി​ക്കു​ന്ന​ത്.

സാ​മ്പ​ത്തി​ക​മാ​യി മി​ക​ച്ച​ത്

ഞ​ങ്ങ​ൾ ഉ​യ​ർ​ത്തി​ക്കാ​ട്ടു​ന്ന പ​രി​ഹാ​ര​ങ്ങ​ൾ പ​രീ​ക്ഷി​ക്ക​പ്പെ​ട്ട​താ​ണ്. കൂ​ടാ​തെ അ​ള​ക്കാ​വു​ന്ന​തും സാ​മ്പ​ത്തി​ക​മാ​യി മി​ക​ച്ച​തും. അ​വ ആ​വാ​സ​വ്യ​വ​സ്ഥ​ക​ളെ സം​ര​ക്ഷി​ക്കു​ന്ന​തി​ലു​പ​രി, തൊ​ഴി​ല​വ​സ​ര​ങ്ങ​ൾ സൃ​ഷ്ടി​ക്കു​ക​യും പു​തി​യ വി​പ​ണി​ക​ളെ ഉ​ത്തേ​ജി​പ്പി​ക്കു​ക​യും ചെ​യ്യു​ന്നു. വ​ള​രെ​ക്കാ​ലം പ്ര​വ​ർ​ത്തി​ക്കു​ന്പോ​ഴു​ണ്ടാ​കു​ന്ന അ​പ​ക​ട​സാ​ധ്യ​ത കു​റ​യ്ക്കു​ക​യും ചെ​യ്യു​ന്നു. സ​മു​ദ്ര സ​മ്പ​ദ്‌​വ്യ​വ​സ്ഥ​യി​ലെ ശു​ദ്ധ​മാ​യ ന​വീ​ക​ര​ണ​ത്തി​ന് വേ​റെ​യും മെ​ച്ച​മു​ണ്ട്. മു​ന്നേ​റാ​ൻ ശ്ര​മി​ക്കു​ന്ന ക​മ്പ​നി​ക​ൾ​ക്കും രാ​ജ്യ​ങ്ങ​ൾ​ക്കും നേ​ട്ട​ങ്ങ​ളു​ണ്ടാ​യി. ആ​രോ​ഗ്യ​ക​ര​മാ​യ മ​ത്സ​ര​ത്തി​ന് അ​വ​സ​ര​മൊ​രു​ങ്ങി. പ്ര​കൃ​തി അ​ധി​ഷ്ഠി​ത നി​ക്ഷേ​പ​ങ്ങ​ളു​ടെ അ​പ​ക​ട​സാ​ധ്യ​ത കു​റ​യ്ക്കു​ന്ന സാ​മ്പ​ത്തി​ക രീ​തി​ക​ൾ തീ​ര​ദേ​ശ സ​മ്പ​ദ്‌​വ്യ​വ​സ്ഥ​ക​ളെ സു​സ്ഥി​ര​മാ​ക്കാ​നും പു​തി​യ ത​രം മൂ​ല​ധ​നം ആ​ക​ർ​ഷി​ക്കാ​നും സ​ഹാ​യി​ക്കു​ന്നു. ക​ട​ൽ​പ്പാ​യ​ൽ അ​ടി​സ്ഥാ​ന​മാ​ക്കി​യു​ള്ള പാ​ക്കേ​ജിം​ഗ്, സ​മു​ദ്ര​ജീ​വി സൗ​ഹൃ​ദ അ​ടി​സ്ഥാ​ന സൗ​ക​ര്യ​ങ്ങ​ൾ എ​ന്നി​വ പോ​ലു​ള്ള പ​രി​ഹാ​ര​ങ്ങ​ൾ പാ​രി​സ്ഥി​തി​ക നാ​ശം കു​റ​യ്ക്കു​ക മാ​ത്ര​മ​ല്ല, അ​സം​സ്കൃ​ത വ​സ്തു​ക്ക​ളു​ടെ ചെ​ല​വ് കു​റ​യ്ക്കു​ക​യും വി​ത​ര​ണ ശൃം​ഖ​ല​യു​ടെ സു​താ​ര്യ​ത വ​ർ​ധി​പ്പി​ക്കു​ക​യും ചെ​യ്യു​ന്നു.

സാ​മ്പ​ത്തി​ക വി​ക​സ​ന​ത​ന്ത്ര​ം

ചു​രു​ക്ക​ത്തി​ൽ, സ​മു​ദ്ര സം​ര​ക്ഷ​ണം വ്യാ​വ​സാ​യി​ക ന​വീ​ക​ര​ണ​ത്തി​ന്‍റെ​യും ഭൗ​മ​രാ​ഷ്‌ട്രീ​യ പ്ര​തി​രോ​ധ​ശേ​ഷി​യു​ടെ​യും ഊ​ർ​ജ​മാ​യി മാ​റി​ക്കൊ​ണ്ടി​രി​ക്കു​ക​യാ​ണ്. ഒ​രു സാ​മ്പ​ത്തി​ക വി​ക​സ​ന​ത​ന്ത്ര​മെ​ന്ന​ നി​ല​യി​ൽ, ഇ​ത് ഭാ​വി​ക്ക് അ​നു​യോ​ജ്യ​വും എ​ല്ലാ​വ​രെ​യും ഉ​ൾ​ക്കൊ​ള്ളു​ന്ന​തു​മാ​ണ്. മാ​ത്ര​മ​ല്ല, ഇ​ത് നി​ക്ഷേ​പ​ക​ർ​ക്കും സം​രം​ഭ​ക​ർ​ക്കും ന​യ​നി​ർ​മാ​താ​ക്ക​ൾ​ക്കും ഒ​രു​പോ​ലെ ആ​ക​ർ​ഷ​ക​വു​മാ​ണ്. എ​ന്നാ​ൽ, ഈ ​സാ​ധ്യ​ത​ക​ൾ പൂ​ർ​ണ​മാ​യി പ്ര​യോ​ജ​ന​പ്പെ​ടു​ത്തു​ന്ന​തി​ന്, ന​മ്മ​ൾ പ​റ​യു​ന്ന രീ​തി മാ​റ്റ​ണം. സു​സ്ഥി​ര​ത എ​ന്നു പ​റ​യു​ന്പോ​ൾ ത്യാ​ഗ​മ​ല്ല വി​വ​ക്ഷ; ആ​ധു​നി​ക​വ​ത്ക​ര​ണം, ന​വീ​ക​ര​ണം, കാ​ര്യ​ക്ഷ​മ​ത എ​ന്നി​വ​യാ​ണ് ല​ക്ഷ്യ​മി​ടു​ന്ന​ത്.

സ​മു​ദ്ര സം​ര​ക്ഷ​ണം ആ​ഗോ​ള സ​മ്പ​ദ്‌​വ്യ​വ​സ്ഥ​യു​ടെ ഉ​ത്തേ​ജ​ക​മാ​ണ്. അ​ട​യാ​ള​പ്പെ​ടു​ത്താ​ത്ത ആ​ഴ​ങ്ങ​ളെ ക​ണ്ടെ​ത്തു​ക​യ​ല്ല ന​മ്മു​ടെ ദൗ​ത്യം. മ​റി​ച്ച്, മി​ക​ച്ച സം​വി​ധാ​ന​ങ്ങ​ൾ ക​ണ്ടെ​ത്തു​ക എ​ന്ന​താ​ണ്. ‘ഓ​ഷ്യ​ൻ ഓ​പ്പ​ർ​ച്യു​ണി​റ്റി ഗൈ​ഡി’​ൽ ഉ​ൾ​പ്പെ​ടു​ത്തി​യി​ട്ടു​ള്ള സം​രം​ഭ​ക​രെ​പ്പോ​ലെ, ന​മ്മ​ൾ ഓ​രോ​രു​ത്ത​രും ന​മ്മ​ൾ നി​ർ​മി​ച്ച​തി​നെ ചോ​ദ്യം​ചെ​യ്യു​ക​യും അ​ത് എ​ങ്ങ​നെ മെ​ച്ച​പ്പെ​ടു​ത്താ​മെ​ന്ന് പ​രി​ഗ​ണി​ക്കു​ക​യും വേ​ണം. പ​ര്യ​വേ​ക്ഷ​ണ​ത്തി​ന്‍റെ ആ​ത്മാ​വ് ന​മ്മ​ളെ ചൂ​ഷ​ണ​ത്തി​ലേ​ക്ക​ല്ല, പു​ന​രു​ജ്ജീ​വ​ന​ത്തി​ലേ​ക്ക് ന​യി​ക്ക​ണം. മ​റ്റു​ള്ള​വ​രെ കാ​ത്തി​രി​ക്കു​ന്ന​ത് നി​ർ​ത്താ​നും ഈ ​നി​മി​ഷം ആ​വ​ശ്യ​പ്പെ​ടു​ന്ന നേ​തൃ​ത്വം ഏ​റ്റെ​ടു​ക്കാ​നും അ​ത് ന​മ്മ​ളെ പ്ര​ചോ​ദി​പ്പി​ക്ക​ണം.

(സ്വി​സ് പ​ര്യ​വേ​ക്ഷ​ക​നും സോ​ളാ​ർ ഇം​പ​ൾ​സ്
ഫൗ​ണ്ടേ​ഷ​ന്‍റെ സ്ഥാ​പ​ക​നുമാണ് ലേ​ഖ​ക​ൻ.)

©Project Syndicate (www.project-syndicate.org)

Tags :