കീ​വ്: യു​ക്രെ​യ്ൻ ത​ല​സ്ഥാ​ന​മാ​യ കീ​വി​ൽ റ​ഷ്യ​ൻ സേ​ന വ്യാ​ഴാ​ഴ്ച പു​ല​ർ​ച്ചെ ന​ട​ത്തി​യ മി​സൈ​ൽ-​ഡ്രോ​ൺ ആ​ക്ര​മ​ണ​ത്തി​ൽ മ​ര​ണം 31 ആ​യി ഉ​യ​ർ​ന്നു. ര​ണ്ടു വ​യ​സു​കാ​ര​ന​ട​ക്കം അ​ഞ്ചു കു​ട്ടി​ക​ളും ഇ​തി​ൽ ഉ​ൾ​പ്പെ​ടു​ന്ന​താ​യി യു​ക്രെ​യ്ൻ പ്ര​സി​ഡ​ന്‍റ് സെ​ല​ൻ​സ്കി അ​റി​യി​ച്ചു. 16 കു​ട്ടി​ക​ള​ട​ക്കം 159 പേ​ർ​ക്കാ​ണു പ​രി​ക്കേ​റ്റ​ത്.

യു​ദ്ധം തു​ട​ങ്ങി​യ​ശേ​ഷം കീ​വ് നേ​രി​ടു​ന്ന ഏ​റ്റ​വും വ​ലി​യ ആ​ക്ര​മ​ണ​ങ്ങ​ളി​ലൊ​ന്നാ​യി​രു​ന്നു ഇ​ത്. ന​ഗ​ര​ത്തി​ൽ ഇ​ന്ന​ലെ ദുഃ​ഖാ​ച​ര​ണം ന​ട​ത്തി. റ​ഷ്യ​ക്കെ​തി​രേ കൂ​ടു​ത​ൽ ഉ​പ​രോ​ധം ചു​മ​ത്താ​ൻ പാ​ശ്ചാ​ത്യ​ർ ത​യാ​റാ​ക​ണ​മെ​ന്ന് സെ​ല​ൻ​സ്കി ആ​വ​ശ്യ​പ്പെ​ട്ടു.

യു​ദ്ധം അ​വ​സാ​നി​പ്പി​ക്കാ​നു​ള്ള ന​ട​പ​ടി​ക​ൾ ഓ​ഗ​സ്റ്റ് എ​ട്ടി​ന​കം ഉ​ണ്ടാ​യി​ല്ലെ​ങ്കി​ൽ റ​ഷ്യ​യും അ​വ​രു​ടെ എ​ണ്ണ വാ​ങ്ങു​ന്ന​വ​രും ക​ടു​ത്ത സാ​ന്പ​ത്തി​ക ന​ട​പ​ടി​ക​ൾ നേ​രി​ടേ​ണ്ടി​വ​രു​മെ​ന്ന് യു​എ​സ് പ്ര​സി​ഡ​ന്‍റ് ട്രം​പ് ഭീ​ഷ​ണി മു​ഴ​ക്കി​യി​രി​ക്കേ​യാ​ണ് ഈ ​ആ​ക്ര​മ​ണം. ബു​ധ​നാ​ഴ്ച അ​ർ​ധ​രാ​ത്രി മു​ത​ൽ വ്യാ​ഴാ​ഴ്ച പു​ല​ർ​ച്ചെ വ​രെ നീ​ണ്ട ആ​ക്ര​മ​ണ​ത്തി​ൽ മു​ന്നൂ​റി​ല​ധി​കം ഡ്രോ​ണു​ക​ളും എ​ട്ട് മി​സൈ​ലു​ക​ളു​മാ​ണ് റ​ഷ്യ തൊ​ടു​ത്ത​ത്.

പാ​ർ​പ്പി​ട സ​മു​ച്ച​യം, ആ​ശു​പ​ത്രി, സ്കൂ​ൾ, ന​ഴ്സ​റി, യൂ​ണി​വേ​ഴ്സി​റ്റി തു​ട​ങ്ങി​യ​വ ആ​ക്ര​മി​ക്ക​പ്പെ​ട്ടു. അ​തേ​സ​മ​യം, യു​ക്രെ​യ്ൻ സൈ​ന്യ​വു​മാ​യി ബ​ന്ധ​പ്പെ​ട്ട കേ​ന്ദ്ര​ങ്ങ​ളി​ലാ​യി​രു​ന്നു ആ​ക്ര​ണം എ​ന്നാ​ണു റ​ഷ്യ അ​വ​കാ​ശ​പ്പെ​ടു​ന്ന​ത്.

Tags :