ലീ​ഡ്സ്: ഇം​ഗ്ല​ണ്ടി​നെ​തി​രാ​യ ഒ​ന്നാം ക്രി​ക്ക​റ്റ് ടെ​സ്റ്റി​ല്‍ ഇ​ന്ത്യ​യ്ക്ക് തോ​ല്‍​വി. അ​ഞ്ചു വി​ക്ക​റ്റി​ന് ഇ​ന്ത്യ​യെ തോ​ല്‍​പ്പി​ച്ച് അ​ഞ്ചു മ​ത്സ​ര​ങ്ങ​ള​ട​ങ്ങി​യ പ​ര​മ്പ​ര​യി​ല്‍ ഇം​ഗ്ല​ണ്ട് 1 - 0 മു​ന്നി​ലെ​ത്തി. ഇ​ന്ത്യ ഉ​യ​ർ​ത്തി​യ 371 റ​ൺ​സ് വി​ജ​യ​ല​ക്ഷ്യം അ​ഞ്ച് വി​ക്ക​റ്റ് ന​ഷ്ട​ത്തി​ൽ ഇം​ഗ്ല​ണ്ട് മ​റി​ക​ട​ന്നു.

371 റ​ണ്‍​സെ​ന്ന ല​ക്ഷ്യ​ത്തി​ലേ​ക്ക് ബാ​റ്റേ​ന്തി​യ ഇം​ഗ്ല​ണ്ടി​നാ​യി ബെ​ന്‍ ഡ​ക്ക​റ്റി​ന്‍റെ സെ​ഞ്ചു​റി​യും (149), സാ​ക് ക്രൗ​ളി​യു​ടെ​യും (65) ജോ ​റൂ​ട്ടി​ന്‍റെ​യും (53) അ​ര്‍​ധ സെ​ഞ്ചു​റി​ക​ളു​മാ​ണ് വി​ജ​യം എ​ളു​പ്പ​മാ​ക്കി​യ​ത്. സ്കോ​ര്‍: ഇ​ന്ത്യ 471/10, 364/10, ഇം​ഗ്ല​ണ്ട് 465/10, 373/5.

ഓ​പ്പ​ണ​ർ​മാ​രാ​യ സാ​ക് ക്രൗ​ളി​യും ബെ​ൻ ഡ​ക്ക​റ്റും ചേ​ർ​ന്ന് 188 റ​ൺ​സി​ന്‍റെ കൂ​ട്ടു​കെ​ട്ടാ​ണ് ഇം​ഗ്ല​ണ്ടി​നു ന​ൽ​കി​യ​ത്. എ​ന്നാ​ൽ പി​ന്നീ​ട് നാ​ലി​ന് 253 എ​ന്ന നി​ല​യി​ലേ​ക്ക് കൂ​പ്പു​കു​ത്തി​യെ​ങ്കി​ലും മ​ധ്യ​നി​ര​യു​ടെ ചെ​റു​ത്തു​നി​ൽ​പ് അ​വ​രെ ര​ക്ഷി​ച്ചു.

ആ​ദ്യ ഇ​ന്നിം​ഗ്സി​ൽ ആ​റു റ​ൺ​സി​ന്‍റെ നേ​രി​യ ലീ‍​ഡ് നേ​ടി​യ ശേ​ഷ​മാ​ണ് ഇ​ന്ത്യ ക​ളി കൈ​വി​ട്ട​ത്. ര​ണ്ടാം ഇ​ന്നിം​ഗ്സി​ൽ പേ​സ​ർ ജ​സ്പ്രീ​ത് ബും​റ​യ്ക്കു വി​ക്ക​റ്റൊ​ന്നും വീ​ഴ്ത്താ​ൻ സാ​ധി​ക്കാ​തെ പോ​യ​ത് ഇ​ന്ത്യ​യ്ക്കു തി​രി​ച്ച​ടി​യാ​യി. ആ​ദ്യ ഇ​ന്നിം​ഗ്സി​ൽ ബും​റ അ​ഞ്ചു വി​ക്ക​റ്റു​ക​ൾ സ്വ​ന്ത​മാ​ക്കി​യി​രു​ന്നു.

പേ​സ​ര്‍​മാ​രാ​യ പ്ര​സി​ദ്ധ് കൃ​ഷ്ണ​യും ഷാ​ർ​ദൂ​ൽ ഠാ​ക്കൂ​റും ര​ണ്ടു വി​ക്ക​റ്റു​ക​ൾ വീ​തം വീ​ഴ്ത്തു​ക​യും സ്പി​ന്ന​ർ ര​വീ​ന്ദ്ര ജ​ഡേ​ജ ഒ​രു വി​ക്ക​റ്റും സ്വ​ന്ത​മാ​ക്കി​യെ​ങ്കി​ലും ഇ​ന്ത്യ​യെ വി​ജ​യ​ത്തി​ലെ​ത്തി​ക്കാ​ൻ സാ​ധി​ച്ചി​ല്ല. ക്യാ​പ്റ്റ​നാ​യു​ള്ള അ​ര​ങ്ങേ​റ്റ​ത്തി​ല്‍ സെ​ഞ്ചു​റി ക​ണ്ടെ​ത്താ​നാ​യെ​ങ്കി​ലും ടീ​മി​നെ വി​ജ​യ​ത്തി​ലെ​ത്തി​ക്കാ​ൻ ശു​ഭ്മാ​ന്‍ ഗി​ല്ലി​ന് ക​ഴി​യാ​തെ പോ​യ​ത് ക​ന​ത്ത തി​രി​ച്ച​ടി​യാ​യി.

Tags :