ഭു​വ​നേ​ശ്വ​ര്‍: കോ​ള​ജ് അ​ധ്യാ​പ​ക​ന്‍റെ നി​ര​ന്ത​ര​മാ​യ ശ​ല്യം ചെ​യ്യ​ല്‍ സ​ഹി​ക്കാ​ന്‍ ക​ഴി​യാ​തെ വി​ദ്യാ​ര്‍​ഥി​നി സ്വ​യം തീ​കൊ​ളു​ത്തി. ഒ​ഡി​ഷ​യി​ലെ ബാ​ല​സോ​റി​ലാ​ണ് സം​ഭ​വം.

95 ശ​ത​മാ​നം പൊ​ള്ള​ലേ​റ്റ പെ​ണ്‍​കു​ട്ടി ഗു​രു​ത​ര​മാ​യ അ​വ​സ്ഥ​യി​ല്‍ ആ​ശു​പ​ത്രി​യി​ല്‍ ചി​കി​ത്സ​യി​ലാ​ണ്. പെ​ണ്‍​കു​ട്ടി​യെ ര​ക്ഷി​ക്കാ​ന്‍ ശ്ര​മി​ച്ച മ​റ്റ് വി​ദ്യാ​ര്‍​ഥി​ക​ള്‍​ക്കും 70 ശ​ത​മാ​ന​ത്തോ​ളം പൊ​ള്ള​ലേ​റ്റി​ട്ടു​ണ്ട്.

ഫ​ക്കീ​ര്‍ മോ​ഹ​ന്‍ കോ​ള​ജി​ലെ ഇ​ന്‍റ​ഗ്രേ​റ്റ​ഡ് ബി​എ​ഡ് പ്രോ​ഗ്രാം വി​ദ്യാ​ര്‍​ഥി​നി​യാ​ണ് ആ​ത്മ​ഹ​ത്യ​യ്ക്ക് ശ്ര​മി​ച്ച​ത്. വ​കു​പ്പ് മേ​ധാ​വി​യാ​യ പ്ര​തി ലൈം​ഗീ​ക താ​ല്‍​പ​ര്യ​വു​മാ​യി കു​ട്ടി​യെ നി​ര​ന്ത​രം ശ​ല്യം ചെ​യ്യു​ന്നു​ണ്ടാ​യി​രു​ന്നു. ഇ​തി​നെ എ​തി​ര്‍​ത്ത പെ​ണ്‍​കു​ട്ടി​യു​ടെ ഭാ​വി ത​ന്നെ ഇ​ല്ലാ​താ​ക്കു​മെ​ന്ന് ഇ​യാ​ള്‍ ഭീ​ഷ​ണി​യും മു​ഴ​ക്കി. ഇ​തോ​ടെ​യാ​ണ് വി​ദ്യാ​ര്‍​ഥി​നി ജീ​വ​നൊ​ടു​ക്കാ​ന്‍ തീ​രു​മാ​നി​ച്ച​ത്.

പ്ര​തി​യാ​യ സ​മി​ര്‍ കു​മാ​ര്‍ സാ​ഹു​വി​നെ​തി​രെ ജൂ​ലൈ ഒ​ന്നി​ന് വി​ദ്യാ​ർ​ഥി​നി ഇ​ന്‍റേ​ണ​ല്‍ കം​പ്ല​യ്ന്‍റ് ക​മ്മി​റ്റി​യി​ല്‍ പ​രാ​തി ന​ല്‍​കി​യി​രു​ന്നു. ഒ​രാ​ഴ്ച​യ്ക്കു​ള്ളി​ല്‍ ന​ട​പ​ടി​യു​ണ്ടാ​കു​മെ​ന്ന് അ​ധി​കൃ​ത​ര്‍ പ​റ​ഞ്ഞെ​ങ്കി​ലും ഒ​ന്നും സം​ഭ​വി​ച്ചി​ല്ല. തു​ട​ര്‍​ന്നാ​ണ് പെ​ണ്‍​കു​ട്ടി ക​ടും​കൈ ചെ​യ്ത​ത്.

സം​ഭ​വ​ത്തി​ല്‍ പ്ര​തി​യെ പോ​ലീ​സ് അ​റ​സ്റ്റ് ചെ​യ്തു. ഇ​യാ​ളെ​യും കോ​ള​ജ് പ്രി​ന്‍​സി​പ്പാ​ളി​നെ​യും ഉ​ന്ന​ത വി​ദ്യാ​ഭ്യാ​സ വ​കു​പ്പ് സ​സ്‌​പെ​ന്‍​ഡ് ചെ​യ്തു. പ്ര​തി​ക​ള്‍​ക്കെ​തി​രെ ശ​ക്ത​മാ​യ ന​ട​പ​ടി സ്വീ​ക​രി​ക്കു​മെ​ന്ന് വി​ദ്യാ​ഭ്യാ​സ മ​ന്ത്രി സൂ​ര്യ​ബ​ന്‍​ഷി സു​രാ​ജ് അ​റി​യി​ച്ചി​ട്ടു​ണ്ട്.

ശ​നി​യാ​ഴ്ച, പെ​ണ്‍​കു​ട്ടി​യും സ​ഹ​പാ​ഠി​ക​ളും കോ​ള​ജ് ഗേ​റ്റി​ന് മു​ന്നി​ല്‍ പ്ര​തി​ഷേ​ധം സം​ഘ​ടി​പ്പി​ച്ചി​രു​ന്നു. പെ​ട്ടെ​ന്ന് അ​വി​ടെ നി​ന്നും പ്രി​ന്‍​സി​പ്പാ​ളി​ന്‍റെ ഓ​ഫീ​സി​ന് മു​ന്നി​ലേ​ക്ക് ഓ​ടി​പ്പോ​യ വി​ദ്യാ​ര്‍​ഥി​നി സ്വ​യം പെ​ട്രോ​ള്‍ ഒ​ഴി​ച്ച് തീ​കൊ​ളു​ത്തു​ക​യാ​യി​രു​ന്നു.

അ​തേ​സ​മ​യം പ​രാ​തി​യി​ല്‍ ന​ട​പ​ടി സ്വീ​ക​രി​ക്കാ​നി​രി​ക്കെ​യാ​ണ് പെ​ണ്‍​കു​ട്ടി ഇ​ത്ത​ര​ത്തി​ല്‍ പ്ര​തി​ക​രി​ച്ച​തെ​ന്നാ​ണ് പ്രി​ന്‍​സി​പ്പാ​ള്‍ ദി​ലീ​പ് ഖോ​ഷ് പ​റ​യു​ന്ന​ത്. പ​രാ​തി​യെ തു​ട​ര്‍​ന്ന് സ​ഹു​വി​നെ വി​ളി​പ്പി​ച്ച​പ്പോ​ള്‍ ആ​രോ​പ​ണ​ങ്ങ​ളെ​ല്ലാം അ​യാ​ള്‍ ത​ള്ളി​യെ​ന്നും പ്രി​ന്‍​സി​പ്പാ​ള്‍ പ​റ​യു​ന്നു.

വി​ദ്യാ​ർ​ഥി​നി​യും മ​റ്റ് കു​ട്ടി​ക​ളും നി​ല​വി​ല്‍ ഭു​വ​നേ​ശ്വ​ര്‍ എ​ഐ​ഐ​എം​എ​സി​ല്‍ ചി​കി​ത്സ​യി​ലാ​ണ്.

Tags :