ADVERTISEMENT
ഷൊർണൂർ: അമ്മയുടെ കൺമുന്നിൽ സ്കൂൾ ബസിടിച്ച് ഗുരുതരമായി പരിക്കേറ്റ ആറുവയസുകാരൻ മരിച്ചു. പട്ടാമ്പി പുലശേരിക്കര സ്വദേശി കാമികം കൃഷ്ണകുമാറിന്റെ മകൻ ആരവ് ആണ് മരിച്ചത്. വാടാനംകുറുശി സ്കൂളിലെ രണ്ടാം ക്ലാസ് വിദ്യാർഥിയാണ് ആരവ്.
ചൊവ്വാഴ്ച വൈകുന്നേരം വാഹനത്തിൽ വീടിനുമുന്നിൽ ഇറങ്ങിയ ആരവ് അമ്മയുടെ കൈയിൽനിന്നു പിടിവിട്ട് ഓടുകയും ഈ സമയം റോഡിലൂടെ വന്ന മറ്റൊരു സ്കൂളിന്റെ വാഹനം കുട്ടിയെ ഇടിക്കുകയുമായിരുന്നു. പരിക്കേറ്റ ആരവിനെ ഉടൻ പട്ടാമ്പിയിലെയും തുടർന്ന് പെരിന്തൽമണ്ണയിലെ സ്വകാര്യ ആശുപത്രികളിൽ പ്രവേശിപ്പിച്ചുവെങ്കിലും ഇന്നലെ രാവിലെ മരിച്ചു. കൃഷ്ണകുമാർ- ശ്രീദേവി ദമ്പതികളുടെ ഏക മകനാണ് ആരവ്.
Tags : six year old boy died in kerala school boy died in an accident