തി​രു​വ​ന​ന്ത​പു​രം: സം​സ്ഥാ​ന​ത്തെ സ്‌​കൂ​ളു​ക​ളി​ലെ ഉ​ച്ച​ഭ​ക്ഷ​ണ മെ​നു പ​രി​ഷ്‌​ക​രി​ച്ച​പ്പോ​ള്‍ ഉ​ണ്ടാ​വു​ന്ന സാ​ന്പ​ത്തി​ക ചെ​ല​വ് പ​രി​ഹ​രി​ക്കാ​നാ​യി സ​ര്‍​ക്കാ​ര്‍ കൂ​ടു​ത​ല്‍ വി​ഹി​തം അ​നു​വ​ദി​ക്ക​ണ​മെ​ന്ന ആ​വ​ശ്യം ശ​ക്ത​മാ​യി. നി​ല​വി​ലെ ഉ​ത്ത​ര​വ് പ്ര​കാ​രം എ​ല്‍​പി സ്‌​കൂ​ളി​ലെ ഒ​രു​കു​ട്ടി​ക്ക് 6.78 പൈ​സ​യും യു​പി​യി​ലെ ഒ​രു​കു​ട്ടി​ക്ക് 10.17 രൂ​പ​യു​മാ​ണ് ഉ​ച്ച​ഭ​ക്ഷ​ണ​ത്തി​നാ​യി അ​നു​വ​ദി​ക്കു​ന്ന വി​ഹി​തം. ഇ​തി​ല്‍ 60 ശ​ത​മാ​നം കേ​ന്ദ്ര വി​ഹി​ത​വും 40 ശ​ത​മാ​നം സം​സ്ഥാ​ന വി​ഹി​ത​വു​മാ​ണ്.

എ​ന്നാ​ല്‍ പു​തി​യ മെ​നു പ്ര​കാ​രം ലെ​മ​ണ്‍ റൈ​സ്, വെ​ജി​റ്റ​ബി​ള്‍ ഫ്രൈ​ഡ് റൈ​സ് ഉ​ള്‍​പ്പെ​ടെ​യു​ള്ള​വ​യാ​ണ് ഉ​ച്ച​ഭ​ക്ഷ​ണ​ക്ര​മ​ത്തി​ല്‍ ഉ​ള്‍​പ്പെ​ടു​ത്തി​യി​ട്ടു​ള്ള​ത്. ഇ​പ്പോ​ള്‍ ഒ​രു കു​ട്ടി​ക്ക് അ​നു​വ​ദി​ക്കു​ന്ന ഈ ​തു​ക പ്ര​കാ​രം എ​ങ്ങ​നെ ഇ​ത്ത​രം ഭ​ക്ഷ​ണം കൂ​ടി ന​ല്കാ​ന്‍ ക​ഴി​യു​മെ​ന്നാ​ണ് ഉ​ച്ച​ഭ​ക്ഷ​ണ​ത്തി​ന്‍റെ ചു​മ​ത​ല​ക​ള്‍ വ​ഹി​ക്കു​ന്ന സ്‌​കൂ​ളി​ലെ ഹെ​ഡ്മാ​സ്റ്റ​ര്‍​മാ​ര്‍ ത​ന്നെ ചോ​ദി​ക്കു​ന്ന​ത്. മു​ട്ട​യും പാ​ലും അ​ട​ങ്ങു​ന്ന പോ​ഷ​കാ​ഹാ​ര​പ​ദ്ധ​തി ത​ന്നെ നി​ല​വി​ല്‍ ഏ​റെ ക​ഷ്ട​പ്പെ​ട്ടാ​ണ് മു​ന്നോ​ട്ടു​കൊ​ണ്ടു​പോ​കു​ന്ന​ത്.

കു​ട്ടി​ക​ള്‍​ക്കു​ള്ള വി​ഹി​ത​ത്തി​ല്‍ നി​ന്നാ​ണ് പാ​ച​ക​വാ​ത​കം, സാ​ധ​ന​ങ്ങ​ളു​ടെ ക​ട​ത്തു​കൂ​ലി, പ​ച്ച​ക്ക​റി, പ​ല​വ്യ​ഞ്ജ​നം എ​ന്നി​വ വാ​ങ്ങാ​നു​ള്ള പ​ണ​വും ക​ണ്ടെ​ത്തേ​ണ്ട​ത്. ഈ ​സാ​ഹ​ച​ര്യ​ത്തി​ല്‍ നി​ല​വി​ലെ ഉ​ച്ച​ഭ​ക്ഷ​ണ തു​ക വ​ര്‍​ധി​പ്പി​ക്കു​ന്ന​തി​നു​ള്ള ന​ട​പ​ടി വേ​ണ​മെ​ന്ന ആ​വ​ശ്യ​മാ​ണ് ശ​ക്ത​മാ​യി ഉ​യ​രു​ന്ന​ത്.

Tags : School lunch scheme