നെ​ടു​മ​ങ്ങാ​ട്: നെ​ടു​മ​ങ്ങാ​ട് മ​ണ്ഡ​ല​ത്തി​ലെ 27 വി​ദ്യാ​ല​യ​ങ്ങ​ളി​ലാ​യി 70 കോ​ടി രൂ​പ​യു​ടെ നി​ർ​മാ​ണ പ്ര​വ​ർ​ത്തി​ക​ൾ ന​ട​ന്ന​താ​യി ഭ​ക്ഷ്യ പൊ​തു​വി​ത​ര​ണ മ​ന്ത്രി ജി.​ആ​ർ. അ​നി​ൽ. 12 കെ​ട്ടി​ട​ങ്ങ​ളു​ടെ നി​ർ​മാ​ണം പൂ​ർ​ത്തി​യാ​യി.

15 കെ​ട്ടി​ട​ങ്ങ​ളു​ടെ നി​ർ​മാ​ണം ന​ട​ന്നു​കൊ​ണ്ടി​രി​ക്കു​ക​യാ​ണ്. ഇ​തി​ൽ 3.9 കോ​ടി രൂ​പ വീ​തം ചെ​ല​വ​ഴി​ച്ചു​ള്ള ക​ന്യാ​കു​ള​ങ്ങ​ര ഗേ​ൾ​സും അ​യി​രൂ​പ്പാ​റ ജി​എ​ച്ച്എ​സ്എ​സും ഉ​ട​ൻ പൂ​ർ​ത്തി​യാ​കും. നെ​ടു​മ​ങ്ങാ​ട് എം​എ​ല്‍​എ വി​ദ്യാ​ഭ്യാ​സ അ​വാ​ര്‍​ഡ് "മി​ക​വു​ത്സ​വം 2025 'ന്‍റെ ര​ണ്ടാം ദി​വ​സം പ​ന്ത്ര​ണ്ടാം ക്ലാ​സ് പ​രീ​ക്ഷ​യി​ൽ ഉ​ന്ന​ത വി​ജ​യം നേ​ടി​യ വി​ദ്യാ​ർ​ഥി​ക​ളെ അ​നു​മോ​ദി​ക്കു​ന്ന ച​ട​ങ്ങ് ഉ​ദ്ഘാ​ട​നം ചെ​യ്ത് പ്ര​സം​ഗി​ക്കു​ക​യാ​യി​രു​ന്നു മ​ന്ത്രി.

16 വ​ർ​ണ കൂ​ടാ​ര​ങ്ങ​ളാ​ണ് വി​വി​ധ വി​ദ്യാ​ല​യ​ങ്ങ​ളി​ലാ​യി ഒ​രു​ങ്ങു​ന്ന​ത്. ഇ​തി​നാ​യി 1.6 കോ​ടി രൂ​പ​യാ​ണ് ചെ​ല​വ​ഴി​ക്കു​ന്ന​ത്.​ജൂ​ലൈ 15 ഓ​ടെ ഇ​വ​യു​ടെ നി​ർ​മാ​ണം പൂ​ർ​ത്തി​യാ​കും എ​ന്നും മ​ന്ത്രി പ​റ​ഞ്ഞു. വി​ഴി​ഞ്ഞം അ​ന്താ​രാ​ഷ്ട്ര തു​റ​മു​ഖം എംഡി ദി​വ്യ എ​സ്. അ​യ്യ​ര്‍, ഗ​താ​ഗ​ത വ​കു​പ്പ് സ്പെ​ഷ​ൽ സെ​ക്ര​ട്ട​റി​യും സ​പ്ലൈ​കോ ചെ​യ​ർ​മാ​നു​മാ​യ പി.​ബി. നൂ​ഹ് എ​ന്നി​വ​ര്‍ വി​ശി​ഷ്ടാ​തി​ഥി​ക​ളാ​യി.

500-ഓ​ളം വി​ദ്യാ​ര്‍​ഥി​ക​ള്‍​ക്കാ​ണ് അ​വാ​ര്‍​ഡ് വി​ത​ര​ണം ചെ​യ്ത​ത്. നെ​ടു​മ​ങ്ങാ​ട് നി​യോ​ജ​ക​മ​ണ്ഡ​ല​ത്തി​ലെ 25 യുപി സ്‌​കൂ​ളു​ക​ള്‍​ക്ക് എം​എ​ല്‍​എ​യു​ടെ ആ​സ്തി വി​ക​സ​ന ഫ​ണ്ട് വി​നി​യോ​ഗി​ച്ച് വാ​ങ്ങി​ന​ല്‍​കു​ന്ന പു​സ്ത​ക​ങ്ങ​ളു​ടെ വി​ത​ര​ണ​വും ച​ട​ങ്ങി​ല്‍ ന​ട​ന്നു. 4.60 ല​ക്ഷം രൂ​പ വി​ല വ​രു​ന്ന പു​സ്ത​ക​ങ്ങ​ളാ​ണ് വാ​ങ്ങി​യ​ത്.

ഏ​ക​ദേ​ശം 18,480 രൂ​പ​യു​ടെ പു​സ്ത​ക​ങ്ങ​ൾ ഓ​രോ സ്‌​കൂ​ളി​നും ല​ഭി​ച്ചു. മി​ക​വു​ത്സ​വ​ത്തി​ന്‍റെ ആ​ദ്യ ദി​ന​ത്തി​ൽ എ​സ്എ​സ്എ​ൽസി പ​രീ​ക്ഷ​യി​ൽ ഉ​ന്ന​ത വി​ജ​യം ക​ര​സ്ഥ​മാ​ക്കി​യ 900 ഓ​ളം വി​ദ്യാ​ര്‍​ഥി​ക​ളെ അ​നു​മോ​ദി​ച്ചി​രു​ന്നു. നെ​ടു​മ​ങ്ങാ​ട് മു​നി​സി​പ്പ​ല്‍ ടൗ​ണ്‍​ഹാ​ളി​ല്‍ ന​ട​ന്ന ച​ട​ങ്ങി​ൽ നെ​ടു​മ​ങ്ങാ​ട് ന​ഗ​ര​സ​ഭ ചെ​യ​ര്‍​പേ​ഴ്‌​സ​ണ്‍ സി.​എ​സ്. ശ്രീ​ജ അ​ധ്യ​ക്ഷ​ത വ​ഹി​ച്ചു.

Tags : Nedumangaad Trivandrum