കനത്ത മഴയെ തുടർന്ന് മലപ്പുറം പെരിന്തൽമണ്ണയിലെ മാനത്തുമംഗലം ബൈപ്പാസ് ജംഗ്ഷനിൽ രൂക്ഷമായ വെള്ളക്കെട്ട്. നാല് റോഡുകളിൽ നിന്നും ഒഴുകിയെത്തുന്ന വെള്ളം ഇവിടെ കെട്ടിക്കിടക്കുന്നതിനാൽ വാഹനഗതാഗതം പൂർണ്ണമായും തടസ്സപ്പെട്ടു. ഇത് യാത്രക്കാർക്ക് വലിയ ബുദ്ധിമുട്ടാണ് സൃഷ്ടിക്കുന്നത്.

കഴിഞ്ഞ വർഷങ്ങളിലും സമാനമായ രീതിയിൽ ഇവിടെ വെള്ളക്കെട്ട് രൂപപ്പെട്ടിരുന്നു. വെള്ളം ഒഴുകിപ്പോകാൻ മതിയായ സംവിധാനങ്ങളില്ലാത്തതാണ് പ്രധാന പ്രശ്നം. വിഷയത്തിൽ നഗരസഭയുടെ ഭാഗത്തുനിന്ന് അടിയന്തര ഇടപെടൽ ഉണ്ടാകണമെന്ന് നാട്ടുകാർ ആവശ്യപ്പെട്ടു.

നഗരസഭാ അധികൃതർ സ്ഥലത്തെത്തി സ്ഥിതിഗതികൾ വിലയിരുത്തി. വെള്ളക്കെട്ട് ഒഴിവാക്കാൻ അടിയന്തര നടപടികൾ സ്വീകരിക്കുമെന്നും, ദീർഘകാല പരിഹാരത്തിനായി ഓട നിർമ്മാണം അടക്കമുള്ള കാര്യങ്ങൾ പരിഗണിക്കുമെന്നും നഗരസഭാ ചെയർമാൻ അറിയിച്ചു.

Tags :