ദേശീയപാത 66-ന്റെ ഭാഗമായ മുഴപ്പിലങ്ങാട് - അഴിയൂർ ബൈപ്പാസ് നിർമ്മാണം അതിവേഗം പുരോഗമിക്കുന്നു. 18.9 കിലോമീറ്റർ ദൈർഘ്യമുള്ള ഈ ബൈപ്പാസ് കണ്ണൂരിന്റെ ഗതാഗതക്കുരുക്കിന് വലിയൊരു പരിഹാരമാകുമെന്നാണ് പ്രതീക്ഷിക്കുന്നത്. പദ്ധതിയുടെ ഭൂരിഭാഗം ജോലികളും പൂർത്തിയായിട്ടുണ്ട്.

നിലവിൽ പാലങ്ങളുടെയും കലുങ്കുകളുടെയും നിർമ്മാണവും റോഡ് ടാറിംഗുമാണ് പ്രധാനമായും നടന്നുവരുന്നത്. നിർമ്മാണ പ്രവർത്തനങ്ങൾ നിരീക്ഷിക്കാൻ ഉന്നതതല ഉദ്യോഗസ്ഥ സംഘം കഴിഞ്ഞ ദിവസം സ്ഥലം സന്ദർശിച്ചിരുന്നു. നിശ്ചയിച്ച സമയപരിധിക്കുള്ളിൽ പദ്ധതി പൂർത്തിയാക്കാനാണ് ലക്ഷ്യമിടുന്നത്.

ബൈപ്പാസ് യാഥാർത്ഥ്യമാകുന്നതോടെ തലശ്ശേരി, കണ്ണൂർ നഗരങ്ങളിലെ ഗതാഗതക്കുരുക്കിന് ശമനമുണ്ടാകും. വടക്കൻ കേരളത്തിലെ വികസനത്തിന് ഈ ബൈപ്പാസ് നിർണായക പങ്ക് വഹിക്കുമെന്നാണ് വിലയിരുത്തൽ. അടുത്ത വർഷം ആദ്യത്തോടെ ബൈപ്പാസ് പൊതുഗതാഗതത്തിനായി തുറന്നു കൊടുക്കാൻ കഴിയുമെന്നാണ് പ്രതീക്ഷ.

Tags : Muzhappilangad Azhiyur NationalHighwayDevelopment