ആ​ല​പ്പു​ഴ: ബം​ഗാ​ള്‍ ഉ​ള്‍​ക്ക​ട​ലി​ല്‍ ന്യൂ​ന​മ​ര്‍​ദം രൂ​പ​പ്പെ​ട്ട​തി​നെത്തുട​ര്‍​ന്ന് അ​ഞ്ചു​ദി​വ​സ​ത്തേ​ക്ക് ജി​ല്ല​യി​ല്‍ ശ​ക്ത​മാ​യ മ​ഴ മു​ന്ന​റി​യി​പ്പ് ല​ഭി​ച്ചു. ഇ​ന്നും നാ​ളെ​യും ശ​ക്ത​മാ​യ കാ​റ്റി​നും സാ​ധ്യ​ത​യു​ണ്ട്. നി​ല​വി​ല്‍ ജി​ല്ല​യി​ല്‍ യെ​ല്ലോ അ​ല​ര്‍​ട്ടാ​ണെ​ങ്കി​ലും കു​ട്ട​നാ​ട​ന്‍ പ്ര​ദേ​ശ​ങ്ങ​ളി​ല​ട​ക്കം മ​ഴ തോ​ര്‍​ന്നാ​ലും ദുരി​തം ബാ​ക്കി​യാ​വും.

നി​ല​വി​ല്‍ മ​ഴ ശ​ക്ത​മാ​ണ്. ഇ​ന്ന​ല​ത്തെ മ​ഴ​യു​ടെ തോ​തി​ല്‍ കു​റ​വു​വ​ന്നി​ട്ടി​ല്ലെ​ങ്കി​ല്‍ ജ​ന​ജീ​വി​തം ദു​ഃസ​ഹ​മാ​കു​മെ​ന്നു​റ​പ്പ്. കൃ​ഷി​യെ​യും മ​ഴ ബാ​ധി​ച്ചു.

ജി​ല്ല​യി​ല്‍ ക​ഴി​ഞ്ഞ ദി​വ​സ​ങ്ങ​ളി​ല്‍ മ​ഴ മാ​റി​നി​ന്നി​ട്ടും നാ​ല്പ​തോ​ളം വീ​ടു​ക​ളി​ല്‍​നി​ന്ന് വെ​ള്ളം ഇ​റ​ങ്ങി​യി​ട്ടി​ല്ലാ​യി​രു​ന്നു. ഇ​ന്ന​ലെ പു​ല​ര്‍​ച്ചെ തു​ട​ങ്ങി​യ കാ​റ്റി​ലും മ​ഴ​യി​ലും നി​ര​വ​ധി വീ​ടു​ക​ളി​ലെ വീ​ട്ടു​പ​ക​ര​ണ​ങ്ങ​ള്‍ ന​ശി​ച്ചു. ധാ​രാ​ളം ആ​ളു​ക​ള്‍ ദു​രി​താ​ശ്വാ​സ ക്യാ​മ്പി​ലേ​ക്ക് മാ​റേ​ണ്ട​താ​യും വ​ന്നി​ട്ടു​ണ്ട്.

അ​പ്പ​ര്‍ കു​ട്ട​നാ​ട്ടി​ല്‍
വീ​ണ്ടും ജ​ല​നി​ര​പ്പ്
ഉ​യ​രു​ന്നു

എടത്വ: തു​ട​ര്‍​ച്ച​യാ​യി പെ​യ്യു​ന്ന അ​തി​ശ​ക്ത​മാ​യ മ​ഴ​യെത്തുട​ര്‍​ന്ന് അ​പ്പ​ര്‍ കു​ട്ട​നാ​ട്ടി​ല്‍ ജ​ല​നി​ര​പ്പ് വീ​ണ്ടും ഉ​യ​രു​ന്നു. താ​ഴ്ന്ന പ്ര​ദേ​ശ​ങ്ങ​ള്‍ വെ​ള്ള​ക്കെ​ട്ടി​ലാ​യി. ന​ദി​ക​ളി​ലും ജ​ല​നി​ര​പ്പ് ഉ​യ​ര്‍​ന്നുതു​ട​ങ്ങി. കാ​ല​വ​ര്‍​ഷം ആ​രം​ഭി​ച്ച് മൂ​ന്നാം വ​ട്ട​മാ​ണ് ജ​ല​നി​ര​പ്പ് ഉ​യ​രു​ന്ന​ത്. ര​ണ്ടു മ​ഴ​ക്കെ​ടു​തി​യി​ലും ഏ​റെ ദു​രി​തം അ​നു​ഭ​വി​ച്ച അ​പ്പ​ര്‍ കു​ട്ട​നാ​ട്ടു​കാ​ര്‍​ക്ക് വീ​ണ്ടു​മൊ​രു വെ​ള്ള​പ്പൊ​ക്കം ക​ടു​ത്ത യാ​ത​ന​ക​ളു​ണ്ടാ​കും.

പ​മ്പാ, അ​ച്ച​ന്‍​കോ​വി​ല്‍, മ​ണി​മ​ല​യാ​റു​ക​ളി​ല്‍ ജ​ല​നി​ര​പ്പ് കൂ​ടിവ​രു​ക​യാ​ണ്. ര​ണ്ടാ​മ​തെ​ത്തി​യ വെ​ള്ളം പൂ​ര്‍​ണമാ​യി വി​ട്ടു​പോ​കു​ന്ന​തി​ന് മു​ന്‍​പാ​ണ് വീ​ണ്ടും ശ​ക്ത​മാ​യ മ​ഴ​യും വെ​ള്ള​പ്പൊ​ക്ക​വും എ​ത്തി​യ​ത്. ഗ്രാ​മീ​ണ റോ​ഡു​ക​ളും വെ​ള്ള​ത്തി​ല്‍ മു​ങ്ങി തു​ട​ങ്ങി​യി​ട്ടു​ണ്ട്. മ​ഴ നാ​ളെ വ​രെ നീ​ണ്ടു​നി​ല്‍​ക്കു​മെ​ന്ന് കാ​ലാ​വ​സ്ഥ മു​ന്ന​റി​യി​പ്പു​ള്ള​തി​നാ​ല്‍ അ​പ്പ​ര്‍ കു​ട്ട​നാ​ട്ടു​കാ​ര്‍ ആ​ശ​ങ്ക​യി​ലാ​ണ്.

ശ​ക്ത​മാ​യ മ​ഴ​യ്‌​ക്കൊ​പ്പം ഉ​ണ്ടാ​കു​ന്ന കാ​റ്റും ആ​ശ​ങ്ക വ​ര്‍​ധിപ്പി​ക്കു​ന്നു. ഇന്നലെ മു​ത​ല്‍ അ​പ്പ​ര്‍ കു​ട്ട​നാ​ട്ടി​ല്‍ ഒ​റ്റ​പ്പെ​ട്ട മ​ഴ ആ​രം​ഭി​ച്ചി​രു​ന്നു. ഉ​ച്ച​യോ​ടു​കൂ​ടി ശ​ക്ത​മാ​യ കാ​റ്റു വീ​ശി​തു​ട​ങ്ങി. കാ​റ്റി​ല്‍ ത​ല​വ​ടി പ​ഞ്ചാ​യ​ത്തി​ലെ ര​ണ്ടു വീ​ടു​ക​ളാ​ണ് ത​ക​ര്‍​ന്ന​ത്. രാ​ത്രി​യി​ല്‍ കാ​ര്യ​മാ​യ മ​ഴ ല​ഭി​ച്ചി​ല്ലെ​ങ്കി​ലും ഇ​ന്ന​ലെ പു​ല​ര്‍​ച്ചെ മു​ത​ല്‍ മ​ഴ​യു​ടെ തീ​വ്ര​ത വ​ര്‍​ധിച്ചി​രു​ന്നു. ഉ​ച്ച​യ്ക്കുശേ​ഷം ക​ന​ത്ത മ​ഴ​യാ​ണ് പെ​യ്ത​ത്.

വൈ​കി​ട്ടോ​ടെ അ​ര​യ​ടി വെള്ളം ഉയർന്നു. പ്ര​ദേ​ശ​ത്ത് ല​ഭി​ച്ചു തീ​വ്രമ​ഴ​യും കി​ഴ​ക്ക​ന്‍ വെ​ള്ള​ത്തി​ന്‍റെ വ​ര​വു​മാ​ണ് ജ​ല​നി​ര​പ്പ് കാ​ര്യ​മാ​യി ഉ​യ​ര്‍​ന്ന​ത്.

മ​ഴ നീ​ണ്ടു​നി​ന്നാ​ല്‍ മു​ന്‍ ദി​വ​സ​ങ്ങ​ളി​ലെ ജ​ല​നി​ര​പ്പി​നേ​ക്കാ​ള്‍ ഉ​യ​രാ​ന്‍ സാ​ധ്യ​ത​യു​ണ്ട്. തോ​ട്ട​പ്പ​ള്ളി പൊ​ഴി​യി​ലൂ​ടെ ക​ട​ലി​ലേക്ക് അ​ധി​കം വെ​ള്ളം വ​ലി​ക്കാ​ത്ത​തും ജ​ല​നി​ര​പ്പ് ഉ​യ​രാ​ന്‍ കാ​ര​ണ​മാ​യി​ട്ടു​ണ്ട്. പൊ​ഴി കൂ​ടു​ത​ല്‍ തു​റ​ന്ന് ജ​ല​ത്തി​ന്‍റെ ഒ​ഴു​ക്ക് വ​ര്‍​ധിപ്പി​ച്ചി​ല്ലെ​ങ്കി​ല്‍ നാ​ള​യോ​ടെ അ​പ്പ​ര്‍ കു​ട്ട​നാ​ട് വെ​ള്ള​ത്തി​ല്‍ മു​ങ്ങാ​നു​ള്ള സാ​ധ്യ​ത​യു​ണ്ട്. വെ​ള്ള​പ്പൊ​ക്ക​ത്തി​നൊ​പ്പം തൊ​ഴി​ലി​ട​ങ്ങ​ള്‍ കു​റ​ഞ്ഞ​തും വി​ദ്യാ​ര്‍​ഥി​ക​ളു​ടെ അ​ധ്യാ​യ​നം മു​ട​ങ്ങു​ന്ന​തും ആ​ശ​ങ്ക വ​ര്‍​ധിപ്പി​ക്കു​ന്നു.

ജൂ​ണ്‍ ആ​രം​ഭി​ച്ച ശേ​ഷം വി​ദ്യാ​ര്‍​ഥി​ക​ളു​ടെ അ​ധ്യാ​യ​നം ദി​വ​സ​ങ്ങ​ളാ​യി മു​ട​ങ്ങിക്കിട​ക്കു​ക​യാ​ണ്. വെ​ള്ളം ഉ​യ​ര്‍​ന്നാ​ല്‍ കു​ട്ട​നാ​ട്ടി​ലെ വി​ദ്യാ​ര്‍​ഥി​ക​ളു​ടെ പ​ഠ​നം വീ​ണ്ടും മു​ട​ങ്ങും.

വെ​ള്ള​ക്കെ​ട്ട്:
പ്ര​ദേ​ശ​വാ​സി​ക​ള്‍
ദു​രി​ത​ത്തി​ൽ

പാ​ണാ​വ​ള്ളി: അ​ര​യ​ങ്കാ​വ് പൊ​ന്നി​ട്ട​കൊ​ട്ടാ​രം ഭാ​ഗ​ത്ത് മാ​നം​കു​റി​ച്ചി പ​ള്ളി​ക്കു സ​മീ​പം മി​ന്നും​പു​റം ക​ട​വു റോ​ഡി​ലെ വെ​ള്ള​ക്കെ​ട്ട് മൂ​ലം വ​ര്‍​ഷ​ങ്ങ​ളാ​യി പ്ര​ദേ​ശ​വാ​സി​ക​ള്‍ ദു​രി​തം അ​നു​ഭ​വി​ക്കു​ക​യാ​ണ്. മ​ഴ​ക്കാ​ല​ത്തെ പെ​യ്ത്തു​വെ​ള്ളം ഒ​ഴു​കി​പ്പോ​കാ​ന്‍ സം​വി​ധാ​ന​ങ്ങ​ള്‍ ഇ​ല്ലാ​ത്ത​താ​ണ് ഇ​വി​ട​ത്തെ പ്ര​ശ്‌​നം. മ​ഴ പെ​യ്താ​ല്‍ മു​ട്ടോ​ളം വെ​ള്ളം ദി​വ​സ​ങ്ങ​ളോ​ളം കെ​ട്ടി​ക്കി​ട​ക്കും. തൊ​ട്ട​ടു​ത്ത് കാ​യ​ലു​ണ്ടെ​ങ്കി​ലും പെ​യ്ത്തു​വെ​ള്ളം അ​വി​ടേ​ക്ക് ഒ​ഴു​കി​പ്പോ​കാ​ന്‍ ക്ര​മീ​ക​ര​ണ​മി​ല്ല. വെ​ള്ള​ക്കെ​ട്ട് മൂ​ലം പ്ര​ദേ​ശ​വാ​സി​ക​ള്‍​ക്ക് പ​നി​യും ത്വ​ക്ക് രോ​ഗ​ങ്ങ​ളും പി​ടി​പെ​ടു​ന്ന​ത് പ​തി​വാ​ണ്. കൊ​തു​കു​ശ​ല്യ​വും എ​ലി​പ്പ​നി ഭീ​തി​യു​മു​ണ്ട്. മ​ഴ മാ​റി​യാ​ലും വെ​ള്ളം വ​റ്റു​ന്ന​ത് ദി​വ​സ​ങ്ങ​ള്‍​ക്കു ശേ​ഷ​മാ​ണ്.

അ​തി​നി​ടെ വീ​ണ്ടും മ​ഴ വ​രും. മേ​യി​ല്‍ തു​ട​ങ്ങു​ന്ന വെ​ള്ള​ക്കെ​ട്ടു​ദു​രി​തം ന​വം​ബ​ര്‍ വ​രെ നീ​ളു​ന്ന​താ​ണ് സ്ഥി​തി. വെ​ള്ളം വ​റ്റി​യാ​ലും ചെ​ളി തു​ട​രും. റോ​ഡ​രി​കി​ലൂ​ടെ കാ​യ​ലി​ലേ​ക്കു കാ​ന നി​ര്‍​മി​ച്ച് പ്ര​ശ്‌​നം പ​രി​ഹ​രി​ക്ക​ണ​മെ​ന്നാ​ണ് നാ​ടി​ന്‍റെ ആ​വ​ശ്യം. അ​തി​നു സ്ഥ​ലം ല​ഭ്യ​ത​ക്കു​റ​വ് ഉ​ള്‍​പ്പെ​ടെ ത​ട​സ​ങ്ങ​ളാ​ണ് അ​ധി​കൃ​ത​ര്‍​ക്കു മു​ന്നി​ലു​ള്ള​ത്. അ​ല്ലെ​ങ്കി​ല്‍ റോ​ഡി​ന് മ​ധ്യ​ത്തി​ലൂ​ടെ ഒ​രേ നി​ര​പ്പി​ല്‍ കാ​ന നി​ര്‍​മി​ക്ക​ണ​മെ​ന്ന ആ​വ​ശ്യ​വും ഉ​യ​രു​ന്നു​ണ്ട്.

കാ​റ്റി​ലും മ​ഴ​യി​ലും വ്യാ​പ​ക നാ​ശ​ന​ഷ്ടം

പൂച്ചാ​ക്ക​ൽ: ര​ണ്ടു ദി​വ​സ​മാ​യി പെ​യ്യു​ന്ന ക​ന​ത്ത മ​ഴ​യി​ലും ശ​ക്തി​യാ​യ കാ​റ്റി​ലും വ്യാ​പ​ക നാ​ശ​ന​ഷ്ട​ങ്ങ​ൾ. മ​ര​ങ്ങ​ൾ ക​ട​പു​ഴ​കി വീ​ണ് നി​ര​വ​ധി വീ​ടു​ക​ൾ​ക്കും വൈ​ദ്യു​തി പോ​സ്റ്റു​ക​ൾ​ക്കും നാ​ശം സം​ഭ​വി​ച്ചു. തൈ​ക്കാ​ട്ടു​ശേ​രി, പാ​ണാ​വ​ള്ളി പ​ഞ്ചാ​യ​ത്തു​ക​ളി​ലെ വി​വി​ധ പ്ര​ദേ​ശ​ങ്ങ​ൾ വെ​ള്ള​ക്കെ​ട്ടി​ലാ​ണ്. മ​ര​ങ്ങ​ൾ വീ​ണ് വൈ​ദ്യു​തി ക​മ്പി​ക​ൾ പൊ​ട്ടി​വീ​ണ​തി​നാ​ൽ വൈ​ദ്യു​തിബ​ന്ധം താ​റു​മാ​റാ​യി. റോ​ഡി​ലേ​ക്ക് മ​ര​ങ്ങ​ൾ വീ​ണ് പ്ര​ധാ​ന റോ​ഡു​ക​ളി​ൽ ഗ​താ​ഗ​തത​ട​സമുണ്ടാ​യി.

ചേ​ർ​ത്ത​ല താ​ലൂ​ക്കി​ലെ പാ​ണാ​വ​ള്ളി, തൈ​ക്കാ​ട്ടു​ശേ​രി, പെ​രു​മ്പ​ളം പ​ഞ്ചാ​യ​ത്തു​ക​ളി​ലും തൃ​ച്ചാ​റ്റു​കു​ളം, കാ​രി​പ്പോ​ഴി ഭാ​ഗ​ങ്ങ​ളി​ലാ​ണ് കൂ​ടു​ത​ലും നാ​ശ​ന​ഷ്ട​ങ്ങ​ൾ സം​ഭ​വി​ച്ച​ത്. കാ​രി​പ്പോ​ഴി ക്ഷേ​ത്ര​വ​ള​പ്പി​ൽനി​ന്നി​രു​ന്ന മൂ​ന്നു തെ​ങ്ങു​ക​ൾ ഒ​രേസ​മ​യം വീ​ണു. ക്ഷേ​ത്ര​ത്തി​ലെ മേ​ൾ​ക്കൂ​ര​യു​ടെ ഓ​ടു​ക​ൾ കാ​റ്റി​ൽ​പ്പ​റ​ന്നു പോ​യി. മേ​ൽ​ക്കു​ര​യ്ക്ക് കേ​ടു​പാ​ടു​ക​ൾ സം​ഭ​വി​ച്ചി​ട്ടു​ണ്ട്. നെ​ടും​പള്ളി​യി​ൽ മു​ര​ളി​ധ​ര​പ്പ​ണി​ക്ക​രു​ടെ മ​തി​ൽ ത​ക​ർ​ന്നു​വീ​ണു. മി​നി നി​വാ​സി​ൽ സ്മി​ത​യു​ടെ വീ​ട്ടു​വ​ള​പ്പി​ൽനി​ന്ന മാ​വ് മ​റി​ഞ്ഞുവീ​ണു.

കാ​ല​വ​ർ​ഷം തു​ട​ങ്ങി​യ ആ​ദ്യ​സ​മ​യ​ത്ത് ത​ന്നെ 40 ഇ​ല​ക്ട്രി​ക് പോ​സ്റ്റു​ക​ൾ​ക്കുനാ​ശം സം​ഭ​വി​ച്ചി​ട്ടു​ണ്ട്. ഏ​ക​ദേ​ശം 10 ല​ക്ഷം രൂ​പ​യു​ടെ നാ​ശ​ന​ഷ്ടം ഇ​തു വ​രെ സം​ഭ​വി​ച്ച​താ​യി അ​സി. എ​ൻ​ജി​നി​യ​ർ അ​റി​യി​ച്ചു.​ പാ​ണാ​വ​ള്ളി ക​ണി​യാംവെ​ളി ബാ​ബു​വി​ന്‍റെ വീ​ടി​ന്‍റെ മു​ക​ളി​ൽ വ​ലി​യ മ​രം വീ​ണ് വീ​ട് പൂ​ർ​ണമാ​യി​ട്ടും ന​ശി​ച്ചു.​ ഇ​നി​യും മ​ഴ​യും കാ​റ്റും ശ​ക്തി പ്രാ​പി​ച്ചാ​ൽ കൂ​ടു​ത​ൽ അ​പ​ക​ങ്ങ​ൾ ഉ​ണ്ടാ​വാ​ൻ സാ​ധ്യ​ത​യു​ള്ള​താ​യി അ​ധി​കൃ​ത​ർ അ​റി​യി​ച്ചു.

Tags :