ജോ​ർ​ജ് ക​ള്ളി​വ​യ​ലി​ൽ

ന്യൂ​ഡ​ൽ​ഹി: പാ​ക്കി​സ്ഥാ​നി​ലെ സൈ​നി​ക ന​ട​പ​ടി​യി​ലൂ​ടെ ഇ​ന്ത്യ​ൻ സാ​യു​ധസേ​ന ആ​ഗ്ര​ഹി​ച്ച രാഷ്‌ട്രീയ, സൈ​നി​ക ല​ക്ഷ്യ​ങ്ങ​ൾ നേ​ടി​യ​തി​നാ​ലാ​ണ് ഓ​പ്പ​റേ​ഷ​ൻ സി​ന്ദൂ​ർ താ​ത്കാ​ലി​ക​മാ​യി നി​ർ​ത്തി​വ​ച്ച​തെ​ന്ന് പ്ര​തി​രോ​ധ​മ​ന്ത്രി രാ​ജ്നാ​ഥ് സിം​ഗ്. പാ​ക്കി​സ്ഥാ​നി​ലെ ഏ​ഴ് ഭീ​ക​ര​കേ​ന്ദ്ര​ങ്ങ​ൾ പൂ​ർ​ണ​മാ​യി ത​ക​ർ​ത്തെ​ന്നും ഇ​ന്ത്യ​ക്കെ​തി​രേ വീ​ണ്ടും ആ​ക്ര​മ​ണ​ത്തി​നു തു​നി​ഞ്ഞാ​ൽ ഓ​പ്പ​റേ​ഷ​ൻ സി​ന്ദൂ​ർ പു​നരാ​രം​ഭി​ക്കു​മെ​ന്നും ക​ന​ത്ത തി​രി​ച്ച​ടി ന​ൽ​കു​മെ​ന്നും പ്ര​തി​രോ​ധ​മ​ന്ത്രി മു​ന്ന​റി​യി​പ്പു ന​ൽ​കി. ഏ​തെ​ങ്കി​ലും സ​മ്മ​ർ​ദ ത്തി​നു വ​ഴ​ങ്ങി ഓ​പ്പ​റേ​ഷ​ൻ സി​ന്ദൂ​ർ നി​ർ​ത്തി​വ​ച്ചു​വെ​ന്നു പ​റ​യു​ക​യോ വി​ശ്വ​സി​ക്കു​ക​യോ ചെ​യ്യു​ന്ന​ത് അ​ടി​സ്ഥാ​ന​ര​ഹി​ത​വും പൂ​ർ​ണ​മാ​യി തെ​റ്റു​മാ​ണെ​ന്ന് അ​ദ്ദേ​ഹം അ​ടി​വ​ര​യി​ട്ടു. ലോ​ക്സ​ഭ​യി​ൽ ഇ​ന്ന​ലെ ആ​രം​ഭി​ച്ച പ​ഹ​ൽ​ഗാം ഭീ​ക​രാ​ക്ര​മ​ണം, ഓ​പ്പ​റേ​ഷ​ൻ സി​ന്ദൂ​ർ പ്ര​ത്യേ​ക ച​ർ​ച്ച​യ്ക്കു തു​ട​ക്കം കു​റി​ച്ചു പ്ര​സം​ഗി​ക്കു​ക​യാ​യി​രു​ന്നു രാ​ജ്നാ​ഥ് സിം​ഗ്.

വി​നോ​ദ​സ​ഞ്ചാ​രി​ക​ളാ​യ 26 ഇ​ന്ത്യ​ക്കാ​രെ നി​ഷ്ഠു​ര​മാ​യി വ​ധി​ച്ച ഭീ​ക​ര​ർ എ​ങ്ങനെ ഇ​ന്ത്യ​യി​ലെ​ത്തി​യെ​ന്നും എ​ന്തു​കൊ​ണ്ടാ​ണ് 100 ദി​വ​സം ക​ഴി​ഞ്ഞി​ട്ടും ആ ​ഭീ​ക​ര​രെ അ​റ​സ്റ്റ് ചെ​യ്യാ​ൻ ക​ഴി​യാ​ത്ത​തെ​ന്നു​മാ​ണു പ്ര​തി​രോ​ധമ​ന്ത്രി വി​ശ​ദീ​ക​രി​ക്കേ​ണ്ട​തെ​ന്ന് കോ​ണ്‍ഗ്ര​സ് ഉ​പ​നേ​താ​വ് ഗൗ​ര​വ് ഗൊ​ഗോ​യ് ചൂ​ണ്ടി​ക്കാ​ട്ടി. പ​ഹ​ൽ​ഗാം ഭീ​ക​രാ​ക്ര​മ​ണ​ത്തി​നു​ശേ​ഷം സൗ​ദി അ​റേ​ബ്യ​യി​ലെ പ​രി​പാ​ടി​ക​ൾ റ​ദ്ദാ​ക്കി ഇ​ന്ത്യ​യി​ൽ മ​ട​ങ്ങി​യെ​ത്തി​യ പ്ര​ധാ​ന​മ​ന്ത്രി ന​രേ​ന്ദ്ര മോ​ദി പ​ഹ​ൽ​ഗാ​മി​ലേ​ക്കു പോ​കാ​തെ ബി​ഹാ​റി​ലെ തെ​ര​ഞ്ഞെ​ടു​പ്പു പ്ര​ചാ​ര​ണ​റാ​ലി​യി​ൽ പ്ര​സം​ഗി​ക്കാ​ൻ പോ​യ​തു രാ​ജ്യം പൊ​റു​ക്കി​ല്ല. ഇ​ന്ത്യ​യു​ടെ ആ​ക്ര​മ​ണ​ത്തി​ൽ പാ​ക്കി​സ്ഥാ​ൻ മു​ട്ടു​കു​ത്തി​യെ​ങ്കി​ൽ ഇ​ന്ത്യ എ​ന്തി​നാ​ണ് സൈ​നി​ക​ന​ട​പ​ടി നി​ർ​ത്തി​യ​ത്. 26 ഇ​ന്ത്യ​ക്കാ​രു​ടെ ജീ​വ​ൻ ന​ഷ്ട​മാ​ക്കി​യ പ​ഹ​ൽ​ഗാം ആ​ക്ര​മ​ണ​ത്തി​ന്‍റെ ഉ​ത്ത​ര​വാ​ദി​ത്വ​ത്തി​ൽ​നി​ന്ന് കേ​ന്ദ്ര ആ​ഭ്യ​ന്ത​ര​മ​ന്ത്രി അ​മി​ത് ഷാ​യ്ക്ക് ഒ​ഴി​യാ​നാ​കി​ല്ലെ​ന്നും കോ​ണ്‍ഗ്ര​സ് നേ​താ​വ് പ​റ​ഞ്ഞു.

ഇ​ന്ത്യ​യും പാ​ക്കി​സ്ഥാ​നും ത​മ്മി​ലു​ള്ള വെ​ടി​നി​ർ​ത്ത​ലി​ൽ അ​മേ​രി​ക്ക​ൻ ഇ​ട​പെ​ട​ൽ ഉ​ണ്ടാ​യി​ട്ടി​ല്ലെ​ന്ന് വി​ദേ​ശ​കാ​ര്യ​മ​ന്ത്രി എ​സ്. ജ​യ​ശ​ങ്ക​ർ പാ​ർ​ല​മെ​ന്‍റി​ൽ പ​റ​ഞ്ഞു. ഏ​പ്രി​ൽ 22നും ​ജൂ​ണ്‍ 17നും ​ഇ​ട​യി​ൽ പ്ര​ധാ​ന​മ​ന്ത്രി ന​രേ​ന്ദ്ര മോ​ദി​യും അ​മേ​രി​ക്ക​ൻ പ്ര​സി​ഡ​ന്‍റ് ഡോ​ണ​ൾ​ഡ് ട്രം​പും ത​മ്മി​ൽ ഫോ​ണ്‍ സം​ഭാ​ഷ​ണം​പോ​ലും ഉ​ണ്ടാ​യി​ട്ടി​ല്ല. ഏ​തെ​ങ്കി​ലും അ​വ​സ​ര​ത്തി​ൽ അ​മേ​രി​ക്ക​യു​മാ​യു​ള്ള സം​ഭാ​ഷ​ണ​ത്തി​ൽ വ്യാ​പാ​ര​വും സൈ​നി​ക​ന​ട​പ​ടി​യും ത​മ്മി​ൽ ബ​ന്ധ​പ്പെ​ടു​ത്തി​യി​ട്ടു​മി​ല്ലെ​ന്ന് വി​ദേ​ശ​കാ​ര്യ​മ​ന്ത്രി ത​റ​പ്പി​ച്ചു പ​റ​ഞ്ഞു.
രാ​ഹു​ൽ ഗാ​ന്ധി അ​ട​ക്ക​മു​ള്ള​വ​ർ ഇ​ന്നു ച​ർ​ച്ച​യി​ൽ പ​ങ്കെ​ടു​ക്കും. പ്ര​ധാ​ന​മ​ന്ത്രി ന​രേ​ന്ദ്ര മോ​ദി​യു​ടെ മ​റു​പ​ടി ഇ​ന്നു വൈ​കു​ന്നേ​ര​മോ, നാ​ളെ​യോ ഉ​ണ്ടാ​യേ​ക്കും. ഇ​തേ വി​ഷ​യ​ത്തി​ൽ രാ​ജ്യ​സ​ഭ​യി​ൽ ഇ​ന്നു ച​ർ​ച്ച​യാ​രം​ഭി​ക്കും.

Tags :