ക​ഴി​ഞ്ഞ ര​ണ്ടാ​ഴ്ച കേ​ര​ള​ത്തി​ലെ രാ​ഷ്‌​ട്രീ​യ​ശ​ക്തി​ക​ൾ​ക്കി​ട​യി​ൽ പൊ​തു​വാ​യൊ​രു ഐ​ക്യം ദൃ​ശ്യ​മാ​യി​രു​ന്നു. എ​ൽ​ഡി​എ​ഫ് ഭ​ര​ണ​ത്തെ മൂ​ന്നാം​ത​വ​ണ​യും അ​ധി​കാ​ര​ത്തി​ലെ​ത്തി​ക്കു​ന്ന​തി​നു​ള്ള എ​ല്ലാ നീ​ക്ക​ങ്ങ​ളെ​യും അ​തി​ശ​ക്ത​മാ​യി എ​തി​ർ​ക്കു​ന്ന കാ​ര്യ​ത്തി​ലാ​യി​രു​ന്നു ഈ ​ഐ​ക്യം.

എ​ന്നാ​ൽ, അ​തി​നു​വേ​ണ്ടി ന​ട​പ്പാ​ക്കേ​ണ്ട ത​ന്ത്ര​ങ്ങ​ളി​ലും അ​ട​വു​ക​ളി​ലും മാ​ർ​ഗ​ങ്ങ​ളി​ലും അ​വ​ർ​ക്കി​ട​യി​ൽ ഭി​ന്ന​ത​യു​ണ്ടാ​യി​രു​ന്നു. എ​ൽ​ഡി​എ​ഫി​നെ എ​തി​ർ​ക്കു​ന്ന​തി​ന് ഐ​ക്യ​മു​ണ്ടാ​ക്കാ​നും എ​ല്ലാ പ്ര​ശ്‌​ന​ങ്ങ​ളും ദൃ​ഢ​നി​ശ്ച​യ​ത്തോ​ടെ പ​രി​ഹ​രി​ച്ചു ന​ല്ല ഫ​ല​ത്തി​നാ​യി സ​മ​വാ​യം ഉ​ണ്ടാ​ക്കാ​നു​മാ​ണ് ല​ക്ഷ്യ​മി​ടു​ന്ന​ത്. ഇ​ട​തു​പ​ക്ഷ ജ​നാ​ധി​പ​ത്യ മു​ന്ന​ണി​യെ എ​തി​ർ​ക്കു​ന്ന രാ​ഷ്‌​ട്രീ​യ​ശ​ക്തി​ക​ളെ പു​നഃ​സം​ഘ​ടി​പ്പി​ക്കു​ന്ന​തി​ൽ ഉ​ട​ന​ടി തീ​രു​മാ​ന​മെ​ടു​ക്ക​ണം എ​ന്ന​തും, അ​ഭി​പ്രാ​യ​വ്യ​ത്യാ​സ​ങ്ങ​ൾ മാ​റ്റി​വ​ച്ച് സ​മ​യം പാ​ഴാ​ക്കാ​തെ ഈ ​ദൗ​ത്യം ഏ​റ്റെ​ടു​ത്തു മു​ന്നോ​ട്ടു പോ​ക​ണം എ​ന്ന​തു​മാ​ണ് ഒ​ടു​വി​ൽ ഉ​രു​ത്തി​രി​ഞ്ഞ പ്ര​ധാ​ന കാ​ര്യം. പ​രി​പാ​ടി​ക​ൾ, ന​യ​ങ്ങ​ൾ, നേ​തൃ​ത്വം എ​ന്നി​വ​യു​ൾ​പ്പെ​ടെ ഈ ​ദൗ​ത്യം എ​ത്ര​ത്തോ​ളം ബു​ദ്ധി​മു​ട്ടേ​റി​യ​താ​യി​രി​ക്കു​മെ​ന്ന് യാ​ഥാ​ർ​ഥ്യ​ങ്ങ​ളെ നേ​രി​ടു​മ്പോ​ൾ വ്യ​ക്ത​മാ​കും.

കെ​പി​സി​സി പു​ന​സം​ഘ​ട​ന

ഒ​ത്തു​തീ​ർ​പ്പി​ലൂ​ടെ​യു​ള്ള ഒ​രു മ​ധ്യ​പാ​ത നി​ർ​ദേ​ശി​ച്ചു​കൊ​ണ്ട്, കെ​പി​സി​സി പു​നഃ​സം​ഘ​ട​ന ഭി​ന്ന​ത​ക​ളി​ല്ലാ​തെ ആ​രം​ഭി​ക്കാ​മെ​ന്നു തി​രു​വ​ന​ന്ത​പു​ര​ത്ത് ചേ​ർ​ന്ന രാ​ഷ്‌​ട്രീ​യ​കാ​ര്യ സ​മി​തി​യി​ൽ എ​ഐ​സി​സി ജ​ന​റ​ൽ സെ​ക്ര​ട്ട​റി കെ.​സി. വേ​ണു​ഗോ​പാ​ൽ പ​റ​ഞ്ഞു. ഇ​തി​നു നി​ര​വ​ധി പ്ര​തി​ക​ര​ണ​ങ്ങ​ളു​ണ്ടാ​യി. കെ​പി​സി​സി, ഡി​സി​സി പു​നഃ​സം​ഘ​ട​ന​യെ​ക്കു​റി​ച്ചു​ള്ള തീ​രു​മാ​നം ഉ​ട​ൻ എ​ടു​ക്ക​ണ​മെ​ന്നാ​യി​രു​ന്നു ഒ​രാ​വ​ശ്യം. നി​ർ​ദേ​ശ​ങ്ങ​ൾ മു​ന്നോ​ട്ടു വ​യ്ക്കു​ന്ന​വ​ർ നി​ല​മ്പൂ​ർ തെ​ര​ഞ്ഞെ​ടു​പ്പുവി​ജ​യ​ത്തി​ലൂ​ടെ ഇ​പ്പോ​ൾ യു​ഡി​എ​ഫി​നു കി​ട്ടി​യ ന​ല്ല പ്ര​തി​ച്ഛാ​യയ്​ക്കു കോ​ട്ടം വ​രാ​തി​രി​ക്കാ​ൻ ശ്ര​ദ്ധി​ക്ക​ണ​മെ​ന്നും അ​ഭി​പ്രാ​യ​മു​യ​ർ​ന്നു. പി.​വി. അ​ൻ​വ​റി​നു ല​ഭി​ച്ച വോ​ട്ടു​ക​ളു​ടെ എ​ണ്ണം ക​ണ​ക്കി​ലെ​ടു​ത്ത് അ​ദ്ദേ​ഹ​ത്തെ യു​ഡി​എ​ഫി​ൽ ഉ​ൾ​പ്പെ​ടു​ത്ത​ണ​മെ​ന്നു മു​ൻ കെ​പി​സി​സി പ്ര​സി​ഡ​ന്‍റ് കെ. ​സു​ധാ​ക​ര​ൻ ഓ​ൺ​ലൈ​നി​ൽ ഒ​രു നി​ർ​ദേ​ശം വ​ച്ച​പ്പോ​ൾ, അ​ൻ​വ​റി​ന്‍റെ പി​ന്തു​ണ​യി​ല്ലാ​തെ​യാ​ണ് യു​ഡി​എ​ഫ് ജ​യി​ച്ച​തെ​ന്ന് റോ​ജി എം. ​ജോ​ൺ ചൂ​ണ്ടി​ക്കാ​ട്ടി. ഭൂ​രി​ഭാ​ഗം അം​ഗ​ങ്ങ​ളും ഈ ​വി​ഷ​യ​ത്തി​ൽ ഒ​രു പ​രാ​മ​ർ​ശ​വും ആ​വ​ശ്യ​മി​ല്ലെ​ന്ന പ​ക്ഷ​ത്താ​യി​രു​ന്നു.

ക്യാ​പ്റ്റ​നും മേ​ജ​റും

നി​ല​മ്പൂ​രി​ൽ ആ​ര്യാ​ട​ൻ ഷൗ​ക്ക​ത്തി​ന്‍റെ തെ​ര​ഞ്ഞെ​ടു​പ്പുവി​ജ​യ​ത്തെ പ്ര​തി​പ​ക്ഷ നേ​താ​വ് വി.​ഡി. സ​തീ​ശ​ന്‍റെ "ക്യാ​പ്റ്റ​ൻ​സി'​യി​ലേ​ക്കു ചേ​ർ​ത്തു​വ​ച്ച​തി​നെ​ത്തു​ട​ർ​ന്ന് വി​വാ​ദ​മു​ണ്ടാ​യി. ഈ ​റി​പ്പോ​ർ​ട്ടി​നോ​ടു പ്ര​തി​ക​രി​ച്ചു​കൊ​ണ്ട് മു​തി​ർ​ന്ന നേ​താ​വ് ര​മേ​ശ് ചെ​ന്നി​ത്ത​ല, താ​ൻ പ്ര​തി​പ​ക്ഷ നേ​താ​വാ​യി​രു​ന്ന​പ്പോ​ഴും യു​ഡി​എ​ഫ് നി​ര​വ​ധി ഉ​പ​തെ​ര​ഞ്ഞെ​ടു​പ്പു​ക​ളി​ൽ വി​ജ​യി​ച്ചി​ട്ടു​ണ്ടെ​ന്ന് ഓ​ർ​മി​പ്പി​ച്ചു. അ​ന്നൊ​ന്നും മാ​ധ്യ​മ​ങ്ങ​ൾ ത​നി​ക്ക് "ക്യാ​പ്റ്റ​ൻ' എ​ന്ന ബ​ഹു​മ​തി ന​ൽ​കി​യി​ല്ലെ​ന്നും മാ​ധ്യ​മ​ങ്ങ​ൾ ഇ​ര​ട്ട​ത്താ​പ്പ് കാ​ണി​ക്കു​ക​യാ​ണെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു. സ​തീ​ശ​ൻ ഉ​ട​ൻ​ത​ന്നെ "ക്യാ​പ്റ്റ​ൻ' പ​ദ​വി ഉ​പേ​ക്ഷി​ക്കു​ക​യും ഉ​പതെ​ര​ഞ്ഞെ​ടു​പ്പു വി​ജ​യം "ടീം ​യു​ഡി​എ​ഫി​നു' സ​മ​ർ​പ്പി​ക്കു​ക​യും ചെ​യ്തു. ചെ​ന്നി​ത്ത​ല​യെ "മേ​ജ​ർ' പ​ദ​വി​യി​ലു​ള്ള നേ​താ​വാ​യി അ​ദ്ദേ​ഹം പ്ര​ശം​സി​ച്ചു. യു​ഡി​എ​ഫ് നേ​തൃ​ത്വം വി​ഭാ​ഗീ​യ​വും ഗു​ണ​ഫ​ലം കൈ​ക്ക​ലാ​ക്കാ​നാ​യി വ​ഴ​ക്ക​ടി​ക്കു​ന്ന​വ​രു​മാ​ണെ​ന്നാ​യി​രു​ന്നു ഇ​തി​നെ​ക്കു​റി​ച്ച് എ​ൽ​ഡി​എ​ഫി​ന്‍റെ വി​മ​ർ​ശ​നം. എ​ന്നി​രു​ന്നാ​ലും, "ടീം ​വ​ർ​ക്ക്' ഉ​യ​ർ​ത്തി​പ്പി​ടി​ച്ച് കെ​പി​സി​സി ഈ ​വി​വാ​ദം കെ​ടു​ത്തി. ഇ​തൊ​രു ന​ല്ല തീ​രു​മാ​ന​മാ​യി​രു​ന്നു. കാ​ര​ണം, ഭാ​വി​യി​ൽ ലെ​ഫ്റ്റ​ന​ന്‍റി​ൽ തു​ട​ങ്ങി ഫീ​ൽ​ഡ് മാ​ർ​ഷ​ൽ വ​രെ​യു​ള്ള പ​ദ​വി​ക​ൾ ന​ൽ​കി നേ​താ​ക്ക​ളെ ആ​ദ​രി​ക്കാ​ൻ ആ​വ​ശ്യ​മു​യ​ർ​ന്നേ​നെ! ഒ​രു​പ​ക്ഷേ, ഇ​ത് കൂ​ടു​ത​ൽ പി​ള​ർ​പ്പു​ക​ൾ ഒ​ഴി​വാ​ക്കു​ക​യും പ്ര​തി​ച്ഛാ​യ മെ​ച്ച​പ്പെ​ടു​ത്തു​ക​യും ഇ​ന്ത്യ​യി​ലെ ഏ​റ്റ​വും പ​ഴ​ക്ക​മു​ള്ള പാ​ർ​ട്ടി​യി​ൽ മി​ക​ച്ച അ​ച്ച​ട​ക്കം ന​ട​പ്പാ​ക്കു​ക​യെ​ങ്കി​ലും ചെ​യ്യും.

രാ​ഷ്‌​ട്ര​പി​താ​വാ​യ മ​ഹാ​ത്മാ​ഗാ​ന്ധി, ഇ​ന്ത്യ​യു​ടെ ഉ​രു​ക്കു​മ​നു​ഷ്യ​ൻ സ​ർ​ദാ​ർ പ​ട്ടേ​ൽ തു​ട​ങ്ങി​യ പ്ര​ഗ​ത്ഭ​രാ​യ നേ​താ​ക്ക​ൾ ന​യി​ച്ച് ഇ​ന്ത്യ​ൻ സ്വാ​ത​ന്ത്ര്യ​സ​മ​ര​ത്തി​നു നേ​തൃ​ത്വം ന​ൽ​കി​യ​താ​ണ് ഈ ​പാ​ർ​ട്ടി. മ​തേ​ത​ര​ത്വ​ത്തി​ലും സോ​ഷ്യ​ലി​സ​ത്തി​ലും അ​ധി​ഷ്ഠി​ത​മാ​യ പാ​ർ​ല​മെ​ന്‍റ​റി ജ​നാ​ധി​പ​ത്യ​ത്തി​ന് ഇ​ന്ത്യ​യി​ൽ അ​ടി​ത്ത​റ​യി​ടു​ക​യും ചെ​യ്തു. ഇ​തേ മ​തേ​ത​ര​ത്വ​വും സോ​ഷ്യ​ലി​സ​വു​മാ​ണ് നി​ല​വി​ലു​ള്ള ഭ​ര​ണാ​ധി​കാ​രി​ക​ൾ ഇ​ന്ത്യ​ൻ ഭ​ര​ണ​ഘ​ട​ന​യി​ൽ​നി​ന്നു നീ​ക്കം ചെ​യ്യ​ണ​മെ​ന്ന് ആ​ഗ്ര​ഹി​ക്കു​ന്ന​ത്.

വേണ്ടത് ഐക്യം

കെ​പി​സി​സി​യു​ടെ മു​ൻ പ്ര​സി​ഡ​ന്‍റും മുൻ പ്ര​തി​പ​ക്ഷ നേ​താ​വും കോ​ൺ​ഗ്ര​സ് പ്ര​വ​ർ​ത്ത​ക​സ​മി​തി അം​ഗ​വു​മാ​യ ര​മേ​ശ് ചെ​ന്നി​ത്ത​ല, പാ​ർ​ട്ടി പൂ​ർ​ണ​മാ​യ ഐ​ക്യ​ത്തോ​ടെ മു​ന്നോ​ട്ടു പോ​ക​ണ​മെ​ന്ന് ആ​ഗ്ര​ഹി​ക്കു​ന്നു. അ​ദ്ദേ​ഹം പ​റ​ഞ്ഞു, “ഞാ​ൻ കെ​പി​സി​സി പ്ര​സി​ഡ​ന്‍റാ​യി​രു​ന്ന കാ​ല​ത്ത് എ​ല്ലാ നേ​താ​ക്ക​ളെ​യും ഒ​രു​മി​ച്ചു കൊ​ണ്ടു​പോ​യി​രു​ന്നു. അ​ന്നു ന​ട​ന്ന എ​ല്ലാ ഉ​പ​തെ​ര​ഞ്ഞെ​ടു​പ്പു​ക​ളി​ലും യു​ഡി​എ​ഫ് ജ​യി​ച്ചു. പു​തി​യ നേ​തൃ​ത്വ​വും എ​ല്ലാ നേ​താ​ക്ക​ളെ​യും ഒ​രു​മി​ച്ചു കൊ​ണ്ടു​പോ​ക​ണം.” ഈ ​നി​ർ​ദേ​ശ​ത്തി​നു കാ​ര്യ​മാ​യ പ്ര​തി​ക​ര​ണ​മു​ണ്ടാ​യി​ല്ല. പാ​ർ​ട്ടി ഐ​ക്യം ഊ​ന്നി​പ്പ​റ​ഞ്ഞു​കൊ​ണ്ട്, ശ​ശി ത​രൂ​രു​മാ​യു​ള്ള പ്ര​ശ്‌​ന​ങ്ങ​ൾ പ​രി​ഹ​രി​ക്ക​ണ​മെ​ന്നു ചെ​ന്നി​ത്ത​ല ആ​വ​ശ്യ​പ്പെ​ട്ടു. “ത​രൂ​രി​നെ പാ​ർ​ട്ടി കൂ​ടെ കൊ​ണ്ടു​പോ​ക​ണം. എ​ന്നാ​ൽ, ഇ​ക്കാ​ര്യം കോ​ൺ​ഗ്ര​സ് നേ​തൃ​ത്വ​മാ​ണു തീ​രു​മാ​നി​ക്കേ​ണ്ട​ത്. ത​രൂ​രു​മാ​യി ബ​ന്ധ​പ്പെ​ട്ട വി​വാ​ദ​ങ്ങ​ളി​ൽ സാ​ധാ​ര​ണ പ്ര​വ​ർ​ത്ത​ക​ർ​ക്കി​ട​യി​ൽ ആ​ശ​യ​ക്കു​ഴ​പ്പ​മു​ണ്ട്. ബി​ജെ​പി​യെ പി​ന്തു​ണ​ച്ച അ​ദ്ദേ​ഹ​ത്തി​ന്‍റെ ന​ട​പ​ടി അം​ഗീ​ക​രി​ക്കാ​ൻ ക​ഴി​യി​ല്ല” - ചെ​ന്നി​ത്ത​ല കൂ​ട്ടി​ച്ചേ​ർ​ത്തു. ന​യ​ത​ന്ത്ര​പ​ര​മാ​യ ചു​മ​ത​ല​ക​ളി​ൽ ത​രൂ​രി​നെ ഉ​പ​യോ​ഗ​പ്പെ​ടു​ത്താ​മെ​ന്നു പ്ര​ധാ​ന​മ​ന്ത്രി ന​രേ​ന്ദ്ര​ മോ​ദി​ക്കു തോ​ന്നി. ഇ​ന്ത്യ​ൻ സ്ത്രീ​ക​ളു​ടെ "സി​ന്ദൂ​ര' സം​ര​ക്ഷ​ണ​ത്തി​ലും പ​ഹ​ൽ​ഗാ​മി​ൽ സ്ത്രീ​ക​ളെ അ​പ​മാ​നി​ച്ച ഭീ​ക​ര​രു​ടെ ന​ട​പ​ടി​ക​ളി​ലും ഇ​ന്ത്യ​യു​ടെ നി​ല​പാ​ട് വി​ശ​ദീ​ക​രി​ക്കാ​ൻ പ​ല രാ​ജ്യ​ങ്ങ​ളി​ലേ​ക്കും അ​ദ്ദേ​ഹ​ത്തെ അ​യ​ച്ചു. ഈ ​വി​ഷ​യ​ത്തി​ൽ വ്യ​ത്യ​സ്ത അ​ഭി​പ്രാ​യ​ങ്ങ​ൾ ഉ​ണ്ടാ​യേ​ക്കാം. എ​ന്നാ​ൽ, ത​രൂ​ർ ഇ​ന്ത്യ​യി​ലും വി​വി​ധ രാ​ജ്യ​ങ്ങ​ളി​ലും ജ​ന​പ്രി​യ​നാ​ണ്. കേ​ര​ള​ത്തി​ലെ കോ​ൺ​ഗ്ര​സി​ന്‍റെ സ​ജീ​വ അം​ഗ​മെ​ന്ന നി​ല​യി​ൽ, പ്ര​ത്യേ​കി​ച്ചും വ​രാ​നി​രി​ക്കു​ന്ന തെ​ര​ഞ്ഞെ​ടു​പ്പു​ക​ളി​ൽ സം​സ്ഥാ​ന​ത്തെ പാ​ർ​ട്ടി​ക്ക് അ​ദ്ദേ​ഹം മു​ത​ൽ​ക്കൂ​ട്ടാ​യി​രി​ക്കും. ചെ​ന്നി​ത്ത​ല​യു​ടെ നി​ർ​ദേ​ശം കേ​ര​ള​ത്തി​ന​ക​ത്തും പു​റ​ത്തു​മു​ള്ള പാ​ർ​ട്ടി​ക്ക് ഒ​രു​ത​ര​ത്തി​ൽ ഗു​ണ​ക​ര​മാ​ണ്.

യുവാക്കളെ പരിഗണിക്കണം

ര​മേ​ശ് ചെ​ന്നി​ത്ത​ല അ​ടു​ത്തി​ടെ വി.​ഡി. സ​തീ​ശ​നെ കോ​ൺ​ഗ്ര​സി​ന്‍റെ വ​ള​രെ പ്ര​ധാ​ന​പ്പെ​ട്ട നേ​താ​വ് (മി​ടു​മി​ടു​ക്ക​നാ​യ നേ​താ​വ്) എ​ന്ന് വി​ശേ​ഷി​പ്പി​ച്ചു. യൂ​ത്ത് കോ​ൺ​ഗ്ര​സ് സം​സ്ഥാ​ന രാ​ഷ്‌​ട്രീ​യ പ​രി​ശീ​ല​ന ക്യാ​മ്പി​ൽ സം​സാ​രി​ക്കു​മ്പോ​ഴാ​യി​രു​ന്നു ഇ​ത്. പ്ര​സം​ഗ​ങ്ങ​ളി​ലും ആ​ല​പ്പു​ഴ​യി​ലെ പാ​ർ​ട്ടി കാ​ര്യ​ങ്ങ​ൾ കൈ​കാ​ര്യം ചെ​യ്യു​ന്ന​തി​ലും സ​തീ​ശ​ൻ വി​ദ​ഗ്ധ​നാ​ണെ​ന്ന് അ​ദ്ദേ​ഹം പ​റ​ഞ്ഞു. കൂ​ടു​ത​ൽ യു​വാ​ക്ക​ളെ ആ​ക​ർ​ഷി​ക്കാ​നും പാ​ർ​ട്ടി​യി​ലേ​ക്കു യു​വാ​ക്ക​ളെ ആ​ക​ർ​ഷി​ക്കു​ന്ന ന​യ​ങ്ങ​ൾ രൂ​പീ​ക​രി​ക്കാ​നും അ​ദ്ദേ​ഹം യൂ​ത്ത് കോ​ൺ​ഗ്ര​സി​നോ​ട് ആ​വ​ശ്യ​പ്പെ​ട്ടു. കൂ​ടാ​തെ, യു​വാ​ക്ക​ളെ പാ​ർ​ട്ടി​യി​ൽ ഉ​യ​ർ​ന്ന സ്ഥാ​ന​ങ്ങ​ളി​ലേ​ക്കു കൊ​ണ്ടു​വ​രാ​നും അ​വ​ർ​ക്കു വി​ജ​യ​സാ​ധ്യ​ത​യു​ള്ള സീ​റ്റു​ക​ൾ ന​ൽ​കാ​നും ചെ​ന്നി​ത്ത​ല ആ​വ​ശ്യ​പ്പെ​ട്ടി​ട്ടു​ണ്ട്. സ​മീ​പ​മാ​സ​ങ്ങ​ളി​ൽ അ​ദ്ദേ​ഹ​ത്തി​ന്‍റെ മു​ഴു​വ​ൻ ശ്ര​ദ്ധ​യും കോ​ൺ​ഗ്ര​സി​നെ എ​ല്ലാ​ ത​ല​ങ്ങ​ളി​ലും ഒ​ന്നി​പ്പി​ക്കാ​നും പാ​ർ​ട്ടി​യി​ലെ ചെ​റി​യ പ്ര​ശ്‌​ന​ങ്ങ​ൾ പ​രി​ഹ​രി​ക്കാ​നു​മാ​യി​രു​ന്നു. ഒ​രു​ത​ര​ത്തി​ൽ, തെ​ര​ഞ്ഞെ​ടു​പ്പി​നു​ മു​മ്പു പാ​ർ​ട്ടി​യെ താ​ഴെ​ത്ത​ട്ടു​ മു​ത​ൽ മു​ക​ള​റ്റം​ വ​രെ ശ​ക്തി​പ്പെ​ടു​ത്തു​ന്ന​തി​നും ശ​ക്ത​മാ​യ ഒ​രു തെ​ര​ഞ്ഞെ​ടു​പ്പു സം​വി​ധാ​നം സ​ജ്ജ​മാ​ക്കു​ന്ന​തി​നും അ​ത്യ​ന്താ​പേ​ക്ഷി​ത​മാ​യ നീ​ക്ക​ത്തി​ന് അ​ദ്ദേ​ഹം തു​ട​ക്ക​മി​ട്ടു. ഇ​തു​പോ​ലെ കൂ​ടു​ത​ൽ നേ​താ​ക്ക​ൾ പാ​ർ​ട്ടി​യെ ഒ​ന്നി​പ്പി​ച്ചു തെ​ര​ഞ്ഞെ​ടു​പ്പി​ൽ മി​ക​ച്ച വി​ജ​യം നേ​ടു​ക എ​ന്ന ല​ക്ഷ്യ​ത്തി​നാ​യി പ്ര​വ​ർ​ത്തി​ച്ചാ​ൽ പാ​ർ​ട്ടി​യി​ലെ അ​ഭി​പ്രാ​യ​വ്യ​ത്യാ​സ​ങ്ങ​ൾ ഒ​രു പ​രി​ധി​വ​രെ പ​രി​ഹ​രി​ക്കാ​ൻ ക​ഴി​യും. സി​പി​എം നേ​തൃ​ത്വ​ത്തി​ലു​ള്ള മു​ന്ന​ണി​ക്കു മൂ​ന്നാം​ത​വ​ണ​യും അ​ധി​കാ​രം ല​ഭി​ക്കു​ന്ന​ത് ത​ട​യാ​നു​ള്ള ധീ​ര​മാ​യ ശ്ര​മ​മാ​ണി​ത്.