പത്തനംതിട്ട: കര്ക്കടകമാസ പൂജയ്ക്കായി ശബരിമല നട ഇന്ന് തുറക്കും. വൈകുന്നേരം അഞ്ചിന് തന്ത്രി കണ്ഠരര് രാജീവരുടെ സാന്നിധ്യത്തില് മേല്ശാന്തി അരുണ്കുമാര് നമ്പൂതിരി നടതുറന്ന് ദീപം തെളിക്കും. പതിനെട്ടാംപടിക്കു താഴെ ആഴിയില് അഗ്നിപകര്ന്നശേഷം ഭക്തരെ പതിനെട്ടാംപടി ചവിട്ടാന് അനുവദിക്കും. ഇന്ന് പൂജകളൊന്നുമില്ല.
വ്യാഴാഴ്ച രാവിലെ അഞ്ചിനു ദര്ശനത്തിനായി നടതുറക്കും. എല്ലാ ദിവസവും പടിപൂജ ഉണ്ടായിരിക്കും. കര്ക്കടക മാസ പൂജകള് പൂര്ത്തിയാക്കി 21ന് രാത്രി 10നു നട അടയ്ക്കും. നിറപുത്തരിക്കായി വീണ്ടും 29ന് ശബരിമല നട തുറക്കും. 30നാണ് നിറപുത്തരി പൂജ.