ജ​ന​സ്വ​രം ഇ​ന്ത്യ​ൻ ജ​നാ​ധി​പ​ത്യ​ത്തി​ന്‍റെ ആ​ത്മാ​വാ​ണ്. അ​ത് ഭ​ര​ണ​ഘ​ട​ന ഓ​രോ പൗ​ര​നും ന​ൽ​കു​ന്ന പ​ങ്കാ​ളി​ത്ത ജ​നാ​ധി​പ​ത്യ​ത്തി​ന്‍റെ സ്വാ​ത​ന്ത്ര്യ​വു​മാ​ണ്. ഭാ​ര​ത ജ​നാ​ധി​പ​ത്യ​ത്തി​ന് കെ​ട്ടു​റ​പ്പും വ​ള​ർ​ച്ച​യും വി​കാ​സ​വും ന​ൽ​കി​യ​ത് ഈ ​പ്ര​തി​ക​ര​ണക്ഷ​മ​ത​യാ​ണ്. സാ​മൂ​ഹി​ക​ പ്ര​തി​ബ​ദ്ധ​ത​യി​ലൂ​ടെ​യും രാ​ഷ്‌ട്രീ​യ​ സ​മ​ർ​പ്പ​ണ​ത്തി​ലൂ​ടെ​യും ഉ​യ​ർ​ന്നു​വ​ന്ന ജ​ന​ശ​ബ്ദം സ​മൂ​ഹ​നി​ർ​മി​തി​യി​ൽ നി​ർ​ണാ​യ​ക പ​ങ്കു​വ​ഹി​ച്ചി​ട്ടു​ണ്ടെ​ന്നു​ള്ള​തു ച​രി​ത്ര​വ​സ്തു​ത​ക​ളാ​ണ്. രാ​ജ്യ​വും ഭ​ര​ണ​സം​വി​ധാ​ന​വു​മെ​ല്ലാം ‘ജ​ന​ങ്ങ​ളി​ൽ​നി​ന്ന്, ജ​ന​ങ്ങ​ൾ​ക്കു​വേ​ണ്ടി, ജ​ന​ങ്ങ​ളാ​ൽ’ എ​ന്ന അ​ടി​സ്ഥാ​ന​പ്ര​മാ​ണ​ത്തി​ലാ​ണ് നി​ല​കൊ​ള്ളു​ന്ന​ത്. ഈ ​വ​സ്തു​ത മ​റ​ക്കു​ക​യോ അ​വ​ഗ​ണി​ക്കു​ക​യോ ചെ​യ്യു​ന്പോ​ഴാ​ണ് ജ​ന​ശ​ബ്ദം ഇ​ല്ലാ​താ​ക്കു​ന്ന സേ​ച്ഛാ​ധി​പ​ത്യ​വും അ​ടി​ച്ച​മ​ർ​ത്ത​ൽ പ്ര​വ​ണ​ത​ക​ളും അ​ര​ങ്ങു​വാ​ഴു​ന്ന​ത്.

ഭ​ര​ണ​കൂ​ട​ത്തെ നി​ർ​ണ​യി​ക്കാ​നും തി​രു​ത്താ​നും അ​ഴി​മ​തി​ര​ഹി​ത ഭ​ര​ണം ഉ​റ​പ്പു​വ​രു​ത്താ​നും ജ​ന​ങ്ങ​ളു​ടെ അ​ടി​സ്ഥാ​നാ​വ​ശ്യ​ങ്ങ​ളെ​ക്കു​റി​ച്ച് അ​വ​രെ ബോ​ധ്യ​പ്പെ​ടു​ത്താ​നു​മാ​ണ് സ​മൂ​ഹ​ത്തി​ന്‍റെ വി​വി​ധ കോ​ണു​ക​ളി​ൽ​നി​ന്ന് ജ​നാ​ധി​പ​ത്യ​ സം​വി​ധാ​ന​ത്തി​ൽ ജ​ന​ശ​ബ്ദം ഉ​യ​ർ​ന്നി​ട്ടു​ള്ള​ത്. രാ​ജ്യ​പു​രോ​ഗ​തി​യു​ടെ നി​ർ​ണാ​യ​ക ​ഘ​ട​ക​ങ്ങ​ളാ​യി അ​വ ക​ണ​ക്കാ​ക്ക​പ്പെ​ടു​ന്പോ​ൾ മാ​ത്ര​മേ നാ​ടി​ന്‍റെ പു​രോ​ഗ​തി​യും സ​മൂ​ഹ​ത്തി​ന്‍റെ മാ​റ്റ​ങ്ങ​ളും കാ​ലോ​ചി​ത​മാ​യെ​ന്ന് അ​വ​കാ​ശ​പ്പെ​ടാ​ൻ സാ​ധി​ക്കു​ക​യു​ള്ളൂ.

ഭാ​ര​ത​ത്തി​ന്‍റെ സാ​മൂ​ഹി​ക​ പ​ശ്ചാ​ത്ത​ല​ത്തി​ൽ അ​തി​ന്‍റെ ഭൂ​രി​ഭാ​ഗം​ വ​രു​ന്ന പാ​വ​ങ്ങ​ളു​ടെ ശ​ബ്ദ​വും സ​ങ്ക​ട​ങ്ങ​ളും അ​വ​രു​ടെ ആ​വ​ശ്യ​ങ്ങ​ളും ക​ണ്ടി​ല്ലാ​യെ​ന്നു ന​ടി​ക്കു​ന്ന​തി​നേ​ക്കാ​ൾ വ​ലി​യ അ​ന്ധ​ത​യും ക്രൂ​ര​ത​യും ഉ​ണ്ടാ​കാ​നി​ല്ല. മേ​ൽ​ത്ത​ട്ടു​ക​ളി​ലും പാ​ർ​ട്ടി​ പ്രീ​ണ​ന​ങ്ങ​ളി​ലും മാ​ത്രം ശ്ര​ദ്ധി​ക്കു​ന്ന ഭ​ര​ണ​മേ​ലാ​ള​ർ​ക്കെ​തി​രേ ജ​ന​ത്തി​ന്‍റെ ശ​ബ്ദം ഉ​യ​രു​ന്ന​തി​ൽ എ​ന്തു തെ​റ്റാ​ണു​ള്ള​ത്? അ​ധി​കാ​ര​വും സ​ന്പ​ത്തും ഉ​പ​യോ​ഗി​ച്ച് അ​വ​രു​ടെ ഒ​ച്ച​യി​ല്ലാ​താ​ക്കാ​ൻ ശ്ര​മി​ക്കു​ന്ന​ത് ജ​നാ​ധി​പ​ത്യ​ത്തെ​ത്ത​ന്നെ ക​ബ​റ​ട​ക്കു​ന്ന​തി​നു തു​ല്യ​മാ​ണ്. കേ​ൾ​ക്കാ​നും വേ​ണ്ട മാ​റ്റ​ങ്ങ​ൾ കൈ​ക്കൊ​ള്ളാ​നും ന​ട​പ​ടി​ക​ൾ സ്വീ​ക​രി​ക്കാ​നും അ​ങ്ങ​നെ ജ​ന​സാ​മാ​ന്യ​ത്തി​ന്‍റെ സു​സ്ഥി​തി ഉ​റ​പ്പു​വ​രു​ത്താ​നും സാ​ധി​ക്കു​ന്നി​ല്ലാ​യെ​ങ്കി​ൽ അ​ത് ഭ​ര​ണ​ഘ​ട​ന​യോ​ടും രാ​ജ്യ​ത്തി​ന്‍റെ സ്വ​ത്വ​ത്തോ​ടും ചേ​രാ​ത്ത ധ​ർ​മ​രാ​ഹി​ത്യം ത​ന്നെ​യാ​ണ്.

ജ​ന​ങ്ങ​ൾ​ക്കു​വേ​ണ്ടി​യു​ള്ള ഒ​രു ഭ​ര​ണ​ഘ​ട​ന​യി​ലെ സോ​ഷ്യ​ലി​സ​വും മ​തേ​ത​ര​ത്വ​വും​ത​ന്നെ എ​ടു​ത്തു​മാ​റ്റ​ണ​മെ​ന്ന ഭ​ര​ണ​കൂ​ട​ സ​ങ്കു​ചി​ത​ത്വ​ത്തെ ഭാ​ര​ത​ത്തി​ന്‍റെ ബ​ഹു​സ്വ​ര​ പ​ശ്ചാ​ത്ത​ല​ത്തി​ൽ അ​ന്പ​ര​പ്പോ​ടെ​യ​ല്ലാ​തെ എ​ങ്ങ​നെ വാ​യി​ക്ക​ണം?

ജ​ന​രോ​ദ​നം കേ​ൾ​ക്കു​ന്നു​ണ്ടോ?

കെ​ടു​കാ​ര്യ​സ്ഥ​ത​യും അ​നാ​സ്ഥ​​യും​കൊ​ണ്ട് ഇ​ടി​ഞ്ഞു​വീ​ണ പൊ​തു​ജ​ന​സ്ഥാ​പ​ന​ങ്ങ​ളും അ​തി​ന​ടി​യി​ൽ ശ​ബ്ദം നി​ല​ച്ചു​പോ​യ ജീ​വി​ത​ങ്ങ​ളും അ​തി​നെ രാ​ഷ്‌ട്രീ​യ മു​ത​ലെ​ടു​പ്പി​നു വ​ഴി​തി​രി​ച്ചു​വി​ടു​ന്ന കോ​മാ​ളി​ത്ത​വും എ​ങ്ങ​നെ വ്യാ​ഖ്യാ​നി​ക്ക​ണ​മാ​വോ? വീ​ണ​ത് ചു​രു​ക്കം. വീ​ഴാ​നു​ള്ള​തോ? വീ​ണ​ത് മാ​ത്ര​മ​ല്ല, വീ​ഴാ​നോ​ങ്ങി നി​ൽ​ക്കു​ന്ന നി​ര​വ​ധി കെ​ട്ടി​ട​ങ്ങ​ളും ജീ​വി​ത​ങ്ങ​ളും മ​ര​ങ്ങ​ളു​മെ​ല്ലാം മ​നു​ഷ്യ​ജീ​വി​ത​ത്തെ​യും അ​തി​ന്‍റെ നി​ല​നി​ൽ​പ്പി​നെ​യും ഭീ​ഷ​ണി​പ്പെ​ടു​ത്തു​ന്നു​ണ്ട് എ​ന്നു​ള്ള​ത് ആ​ർ​ക്കാ​ണ​റി​യാ​ത്ത​ത്? മ​നു​ഷ്യ​ന്‍റെ അ​ടി​സ്ഥാ​ന​സൗ​ക​ര്യ​ങ്ങ​ളും ആ​വ​ശ്യ​ങ്ങ​ളും ഇ​രു​പ​ത്തി​യൊ​ന്നാം നൂ​റ്റാ​ണ്ടി​ൽ പോ​ലും അ​വ​ഗ​ണി​ക്ക​പ്പെ​ടു​ന്ന​ത് എ​ത്ര​യോ ശോ​ച​നീ​യ​മാ​ണ്. ‘മോ​ഡ​ലാ​ണ്’ എ​ന്നൊ​ക്കെ​ പ​റ​ഞ്ഞ് പാ​ർ​ട്ടി​ സ​മ്മേ​ള​ന​ത്തി​ൽ വീ​ന്പി​ള​ക്കി വി​രു​ന്ന് ആ​ഘോ​ഷി​ക്കു​ന്ന​വ​രോ​ട് എ​ന്ന് ഇ​തി​നൊ​രു പ​രി​ഹാ​ര​മെ​ന്ന ജ​ന​രോ​ദ​നം കേ​ൾ​ക്കു​ന്നു​ണ്ടോ എ​ന്നൊ​രു ചോ​ദ്യംകൂ​ടി?

സി​സ്റ്റ​ത്തി​ന്‍റെ കു​ഴ​പ്പം പ​രി​ഹ​രി​ക്കാ​നും അ​ത് സി​സ്റ്റ​മാ​റ്റി​ക്കാ​ക്കാ​നും ത​ന്നെ​യാ​ണ് ഒ​രു ജ​നാ​ധി​പ​ത്യ​വ്യ​വ​സ്ഥ​യി​ലെ സ​ക​ല​രും ചേ​ർ​ന്ന് ജ​ന​പ്ര​തി​നി​ധി​ക​ൾ​ക്കു ത​ട്ട​കം ഒ​രു​ക്കി​ക്കൊ​ടു​ത്ത​ത്. ആ ​അ​വ​ബോ​ധം ഉ​ണ്ടാ​യെ​ങ്കി​ലേ കു​ഴ​പ്പം വ്യ​ക്തി​യു​ടേതാ​ണെ​ങ്കി​ലും സി​സ്റ്റ​ത്തി​ന്‍റേതാ​ണെ​ങ്കി​ലും അ​തി​ന് അ​ടി​സ്ഥാ​ന​പ​ര​മാ​യി ചി​കി​ത്സ​യും പു​നഃ​ക്ര​മീ​ക​ര​ണ​വും ഉ​ണ്ടാ​ക്കാ​നാ​വൂ.

ആ​രു പ​രി​ഹാ​രം കാ​ണും?

പൊ​തു​നി​ര​ത്തി​ലെ കു​ഴി​യി​ൽ​ വീ​ണു ന​ടു​വൊ​ടി​യു​ന്ന യാ​ത്ര​ക്കാ​ർ, എ​ന്തി​നാ​ണ് ടോ​ൾ പി​രി​ക്കു​ന്ന​തെ​ന്ന് ചോ​ദി​ക്കു​ന്ന​ത് അന്യാ​യ​മാ​ണോ? വീ​ടി​നു പു​റ​ത്തി​റ​ങ്ങാ​നും വീ​ട്ടി​ൽ​നി​ന്ന് സ്കൂ​ളി​ലേ​ക്ക് സു​ര​ക്ഷി​ത​മാ​യി കു​ഞ്ഞു​ങ്ങ​ളെ​ വി​ടാ​നും ക​ഴി​യാ​ത്ത മാതാ​പി​താ​ക്ക​ളും കാ​ട്ടു​മൃ​ഗ​ങ്ങ​ളെ ഭ​യ​ക്കു​ന്ന മ​ല​യോ​ര​വാ​സി​കളും മ​റ്റും എ​ത്രനാ​ളാ​യി നി​ല​വി​ളി​ക്കു​ന്നു. മു​ന​ന്പ​ത്തും ചെ​ല്ലാ​ന​ത്തും മ​റ്റ് ക​ട​ൽത്തീ​ര​ങ്ങ​ളി​ലും ആ​ഞ്ഞ​ടി​ക്കു​ന്ന ജ​ന​നൊ​ന്പ​രം ഇ​വി​ടെ ആ​രു കേ​ൾ​ക്കു​ന്നു? ക​ർ​ഷ​ക​രും കാ​ർ​ഷി​ക​മേ​ഖ​ല​യും നേ​രി​ടു​ന്ന അ​നീ​തി​പ​ര​മാ​യ അ​വ​ഗ​ണ​ന​ക​ൾ​ക്ക് ആ​രു പ​രി​ഹാ​രം കാ​ണും? കാ​ട്ടു​മൃ​ഗ​ങ്ങ​ളും പേ​പ്പ​ട്ടി​യും ക​ടി​ച്ചു​കീ​റി​ത്തി​ന്നു​ന്ന ജീ​വി​ത​ങ്ങ​ളും അ​വ​രു​ടെ സ്വ​പ്ന​ങ്ങ​ളും വാ​ർ​ത്ത​ക​ളി​ൽ ഒ​തു​ക്കി​യും ധ​ന​സ​ഹാ​യം പ്ര​ഖ്യാ​പി​ച്ചും പ​രി​ഹ​രി​ക്കേ​ണ്ട​തു മാ​ത്ര​മോ? ന​മ്മു​ടെ യു​വ​ത​ല​മു​റ ല​ഹ​രി​ക്ക​ടി​പ്പെ​ട്ട് സ്വ​ജീ​വി​ത​വും മ​റ്റു​ള്ള​വ​രു​ടെ ജീ​വി​ത​വും ക​വ​ർ​ന്നെ​ടു​ക്കു​ന്ന സാ​മൂ​ഹി​ക​വി​പ​ത്തി​നെ​തിരേ അ​ടി​സ്ഥാ​ന​പ​ര​മാ​യി എ​ന്തു സ​മീ​പ​ന​മാ​ണ് ന​മ്മ​ൾ ഇ​തു​വ​രെ കൈ​ക്കൊ​ണ്ടി​ട്ടു​ള്ള​ത് ? ഭീ​ക​ര​ത​യും മ​ത​വെ​റി​യും കൊ​ല​വി​ളി​യും പൊ​തു​സ​മൂ​ഹ​ത്തി​ൽ മു​ഴ​ക്കു​ന്ന​തി​ന് ആ​രു ക​ടി​ഞ്ഞാ​ണി​ടും?

എ​ന്തും ഏ​തും വ​ർ​ഗീ​യ​വ​ത്ക​രി​ക്കു​ന്ന മാ​റാ​വ്യാ​ധി​യോ​ട് പ്ര​ബു​ദ്ധ​കേ​ര​ളം എ​ങ്ങ​നെ പ്ര​തി​ക​രി​ക്കു​ന്നു? നി​റ​ങ്ങ​ളെ​പ്പോ​ലും മ​ത​വ​ത്ക​രി​ക്കു​ക​യും ഇ​ത​ര​വി​ഭാ​ഗ​ങ്ങ​ളെ, ന്യൂ​ന​പ​ക്ഷ​ങ്ങ​ളെ മാ​റ്റി​നി​ർ​ത്തു​ക​യും ചെ​യ്യു​ന്ന പ്ര​വ​ണ​ത​ക​ൾ ജ​നാ​ധി​പ​ത്യ​ത്തി​നു ഭീ​ഷ​ണിത​ന്നെ​യ​ല്ലേ? ഭാ​ഷ​ക​ളും മ​ത​ങ്ങ​ളും സം​സ്കാ​ര​ങ്ങ​ളും ഉ​ദ്യാ​ന​സ​മാ​നം നി​ല​നി​ൽ​ക്കു​ന്ന ന​മ്മു​ടെ നാ​ട് ഏ​തെ​ങ്കി​ലും ഒ​രു നി​റ​ത്തി​നും വേ​ഷ​ത്തി​നും​വേ​ണ്ടി വാ​ദ​ങ്ങ​ൾ മു​ഴ​ക്കി ഇ​ടു​ങ്ങി​പ്പോ​കു​ന്ന​ത് എ​ത്ര ശോ​ച​നീ​യ​മാ​ണ്?

ഡോ. ​ഹാ​രി​സി​ന്‍റേത് ജ​ന​ശ​ബ്ദം

കേ​ര​ള​ത്തി​ൽ ഈ​യി​ടെ ഉ​യ​ർ​ന്നു​വ​ന്ന ഒ​രു ജ​ന​ശ​ബ്ദ​മാ​യി​രു​ന്നു ഡോ. ​ഹാ​രി​സി​ന്‍റേത്. ഇ​ന്ന് അ​ദ്ദേ​ഹം നേ​രി​ടു​ന്ന എ​തി​ർ​പ്പും വി​വേ​ച​ന​വും ഇ​വി​ടത്തെ സ​ക​ല​ രോ​ഗി​ക​ളു​ടെ​യും ഭി​ഷ​ഗ്വ​ര​രു​ടെ​യും ആ​തു​ര​മേ​ഖ​ല​യു​ടേതു​മാ​ണ്. ഫ്രൈ​ഡ് റൈ​സും ബി​രി​യാ​ണി​യും പാ​യ​സ​വും വാ​ക്കു​കൊ​ണ്ട​ല്ല, പ്ര​വൃ​ത്തി​ക​ളി​ൽ വി​ള​ന്പു​ന്പോ​ഴാ​ണ് ഒ​രു സ​മൂ​ഹ​ത്തി​ന്‍റെ വ​ള​ർ​ച്ച​യും സു​സ്ഥി​തി​യും ഉ​റ​പ്പാ​കു​ന്ന​ത്. ഓ​രോ ഫ​യ​ലും ഓ​രോ ജീ​വി​തം മാ​ത്ര​മ​ല്ല, അ​തി​ൽ ഒ​രു​പാ​ടു ജീ​വി​ത​ങ്ങ​ളും ഒ​രു സ​മൂ​ഹ​ത്തി​ന്‍റെത​ന്നെ നൊ​ന്പ​ര​ങ്ങ​ളു​മാ​ണെ​ന്ന് ചി​ന്തി​ക്കു​ന്പോ​ഴ​ല്ലേ ജ​നാ​ധി​പ​ത്യ​ത്തി​ന് വ​ള​ർ​ച്ച​യും വി​കാ​സവും ഉ​ണ്ടാ​കു​ന്ന​ത്? കെ​ട്ടി​ക്കി​ട​ക്കു​ന്ന ഫ​യ​ലു​ക​ളും നി​വേ​ദ​ന​ങ്ങ​ളും ജ​ന​ശ​ബ്ദം ത​ന്നെ​യാ​ണെ​ന്ന് തി​രി​ച്ച​റി​യാ​നും അ​വ പ​ഠി​ച്ചു പ​രി​ഹാ​രം ക​ണ്ടെ​ത്തി പൊ​തു​ന​ന്മ ഉ​റ​പ്പാ​ക്കാ​നും സാ​ധി​ക്കു​ന്പോ​ഴാ​ണ് ഒ​രു രാ​ജ്യ​ത്ത് ജ​ന​കീ​യ​മാ​യ ഭ​ര​ണം ന​ട​ക്കു​ന്ന​ത്. അ​ല്ലെ​ങ്കി​ൽ അ​ത് സ്വേ​ച്ഛാ​ധി​പ​ത്യ​മാ​യി​രി​ക്കും.

ജ​ന​ശ​ബ്ദം ഒ​രി​ക്ക​ലും ആ​രു​ടെ​യും ഒ​ന്നി​ന്‍റെ​യും പ്ര​തി​ച്ഛാ​യ്ക്ക് മ​ങ്ങ​ലേ​ൽ​പ്പി​ക്ക​ല​ല്ല, മ​റി​ച്ച് പ്ര​തി​ച്ഛാ​യ സു​ന്ദ​ര​മാ​ക്കാ​നു​ള്ള ജ​നാ​ധി​പ​ത്യ​ സം​വി​ധാ​ന​മാ​ണെ​ന്ന് തി​രി​ച്ച​റി​യു​ക. ​വി​മ​ർ​ശ​ന​ങ്ങ​ളി​ലൂ​ടെ മാ​ത്ര​മേ വ്യ​ക്തി​ക​ളും പ്ര​സ്ഥാ​ന​ങ്ങ​ളും വ​ള​രു​ക​യു​ള്ളൂ.

ഉ​യ​രു​ന്ന ശ​ബ്ദ​ങ്ങ​ൾ ശ്ര​ദ്ധ​യി​ൽ കൊ​ണ്ടു​വ​രാ​നും പു​റ​ത്തു​വ​രാ​ത്ത ശ​ബ്ദ​ങ്ങ​ളെ പു​റ​ത്തേ​ക്ക് കൊ​ണ്ടു​വ​രാ​നു​ള്ള ധാ​ർ​മി​ക ഉ​ത്ത​ര​വാ​ദി​ത്ത​മാ​ണ് മാ​ധ്യ​മ​ങ്ങ​ൾ ഏ​റ്റെ​ടു​ക്കേ​ണ്ട​ത്. രാ​ഷ്‌ട്രീ​യ​ പ്ര​വ​ർ​ത്ത​ന​ത്തി​നും കോ​ർ​പ​റേ​റ്റു​ക​ൾ​ക്കും​വേ​ണ്ടി ഓ​ച്ഛാ​നി​ച്ചു നി​ൽ​ക്കു​ന്ന​വ​യാ​ക​രു​ത് ന​മ്മു​ടെ മാ​ധ്യ​മ​ങ്ങ​ളും നി​യ​മ​പാ​ല​ക​രും അ​വ​യോ​ടു​ ചേ​ർ​ന്ന സം​വി​ധാ​ന​ങ്ങ​ളും.

അ​നാ​വ​ശ്യ​മാ​യി ആ​രെ​യും ഭ​യ​ക്കാ​തെയും ആ​രു​ടെ​യും അ​ടി​മ​ക​ളാ​കാ​തെ​യും ആ​യി​രി​ക്കാ​നു​ള്ള സ്വ​ച്ഛ​മാ​യ ഒ​രു അ​ന്ത​രീ​ക്ഷം ജ​നാ​ധി​പ​ത്യ​ത്തി​ൽ സ​ക​ല​ർ​ക്കും ഉ​ണ്ടാ​കേ​ണ്ട​തു​ണ്ട്.

ഉ​ത്ത​ര​വാ​ദി​ത്വ​ത്തി​ന്‍റെ കാ​ഹ​ളം

ജ​ന​ങ്ങ​ൾ ശ​ബ്ദമു​യ​ർ​ത്തു​ന്ന​ത് വെ​റും അ​വ​കാ​ശ​മാ​യി മാ​ത്രം ക​ണ്ടാ​ൽ ​പോ​രാ. അ​തൊ​രു സ​മൂ​ഹ​ത്തി​ന്‍റെ​യും രാ​ജ്യ​ത്തി​ന്‍റെ​യും ഭാ​വി​യെ നി​ർ​ണ​യി​ക്കു​ന്ന ഉ​ത്ത​ര​വാ​ദി​ത്വ​ത്തി​ന്‍റെ കാ​ഹ​ളംകൂ​ടി​യാ​യി വാ​യി​ക്കു​ന്പോ​ൾ മാ​ത്ര​മേ ജ​നാ​ധി​പ​ത്യ​ത്തി​ന്‍റെ വി​ജ​യ​ഭേ​രി​യാ​യി മാ​റു​ക​യു​ള്ളൂ. അ​വി​ടെ മാ​ത്ര​മേ ഭാ​ര​ത​വും കേ​ര​ള​വും ന​മ്മു​ടെ ജ​നാ​ധി​പ​ത്യ​സം​വി​ധാ​ന​വും ജ​ന​ങ്ങ​ളു​ടെ​യും ജ​ന​ങ്ങ​ളാ​ലു​ള്ള​തും ജ​ന​ങ്ങ​ളി​ൽ​നി​ന്നു​ള്ള​തും ജ​ന​ങ്ങ​ൾ​ക്കു​വേ​ണ്ടി​യു​ള്ള​തു​മാ​യി​ത്തീ​രു​ക​യു​ള്ളൂ.

വ​സ്തു​താ​വി​രു​ദ്ധ​മാ​യ പ്ര​സ്താ​വ​ന​ക​ളും ച​ർ​ച്ച​ക​ളും ജ​ന​ശ​ബ്ദ​ത്തെ ഇ​ല്ലാ​താ​ക്കാ​നും ശ്ര​ദ്ധ മാ​റ്റി​വി​ടാ​നും അ​ങ്ങ​നെ ജ​നാ​ധി​പ​ത്യ​ത്തെ​ത്ത​ന്നെ ദു​ർ​ബ​ല​മാ​ക്കി​ത്തീ​ർ​ക്കു​ന്ന​തി​നും ഇ​ട​യാ​കു​ന്നു. ചി​ല ശ​ബ്ദ​ങ്ങ​ൾ​ക്കു​ മാ​ത്രം ന​ൽ​കു​ന്ന അ​മി​ത പ്രാ​ധാ​ന്യ​വും പ്രോ​ത്സാ​ഹ​ന​വും ഇ​ര​ട്ട​ത്താ​പ്പു​ത​ന്നെ​യാ​ണ്. ഏ​തൊ​രു ഭ​ര​ണ​കൂ​ട​വും ജ​ന​ങ്ങ​ളോ​ട് ക​ട​പ്പെ​ട്ട​വ​രും ജ​ന​ങ്ങ​ൾ​ക്ക് ക​ണ​ക്കു​ കൊടു​ക്കേ​ണ്ട​വ​രു​മാ​ണെ​ന്നു​ള്ള ജ​നാ​ധി​പ​ത്യ​ബോ​ധം സ​മൂ​ഹ​ത്തെ നയി​ക്ക​ട്ടെ. പ്ര​ക​ട​മാ​യ അ​സ​മ​ത്വം ഉ​ള്ള​താ​വ​രു​ത് ഒ​രു ജ​നാ​ധി​പത്യ​സ​മൂ​ഹം. ജ​നാ​ധി​പ​ത്യ​ത്തി​ൽ അ​ടി​മ​യു​മി​ല്ല; യ​ജ​മാ​ന​നും ഇ​ല്ല.

Tags :